Резултати од пребарување

На 28ми јуни се сликавме со нашиот долгогодишен соработник, Аџеј Џејн (Ajay Jain). Тоа му беше последен работен ден во Ferronikeli, рудник и преработувач на никел во Косово. Ferronikeli работи со Dynamics NAV повеќе од 10 години. Имплементацијата и поддршката е од страна на Логин Системи. На Аџеј Џејн му посакуваме многу успех во неговата кариера како експерт во финансиите. Видео: На сликите се Аџеј Џејн, Пратик Џејн и Венко Глигоров. Видеото го изработи Аџеј.

За да може да се добиваат известувања за нови содржини, неодамна форумот е збогатен со опцијата за следење на рубриките (Follow / Following). Скопје, 31.05.2019. -- Логин Системи воведе следење на рубрики и објави на својот форум кој редовно се збогатува со нови содржини, а објавите на форумот почнаа да побудуваат интерес за читање и коментирање. За да може да се добиваат известувања за нови содржини, неодамна форумот е збогатен со опцијата за следење на рубриките (Follow / Following). Ако во најдесната колона од рубриката се кликне на Follow, статусот се преименува во Following - Following значи дека новостите од рубриката ќе се праќаат на емаил со линк до самата новост. Избор за следење на рубрика или посебна објава Избор на следење може да се прави и кога посетителот е во самата рубрика - слика долу. Ако некоја објава посебно е интересна за следење, членот на сајтот може да ја обележи само таа објава за следење. Содржините на форумот се достапни за читање за секој посетител на форумот. Опцијата за коментирање и пишување на објави е овозможена само за членовите на форумот. Членувањето на форумот е бесплатно со пополнување на форма за емаил адреса или користење на акаунт за Фесјбук или Гугл. Листа на членови има на www.loginsystems.biz/members. Известување на емаил или на сајт Ако членот на сајтот означил некоја рубрика или објава за следење, известувањата (нотификациите) ќе ги добива на емаил адресата и ќе бидат означени во менито / хедерот од сајтот. Секој член има можност да ги подеси известувањата по своја желба и потреба. Форумот се наоѓа на адресата www.loginsystems.biz/forum, а може да се чита и користи и преку мобилната Wix апп - http://wix.to/F0BBAGI. #форум #пејпал #msdynnav #msdyn365bc #сметководство

Microsoft Dynamics NAV / 365 Business Central нуди можност за пресметка на различни камати во зависност од купувачите. Дополнително, во Македонија постои постапка за пресметка на камати на платениот износ од доспеаниот долг. Модулот за пресметка на камата за ненавремено плаќање на доспеаните долгови од страна на купувачите е изработен од Логин Системи како дел од Македонската локализација за сметководство во Dynamics NAV и работи во согласност со Македонското законодавство за пресметка на законска казнена камата. Кај купувачите се одредува методот на пресметка на камати дали ќе биде според табелата или според соодветен процент. Пример Согласно нашето законодавство, пресметката на каматата за долг кој е платен по датумот на неговото доспевање, се пресметува во моментот кога истиот е наплатен. На пример, доколку една фактура има датум на доспевање 15.07.2018, а е наплатена на 31.07.2018, пресметката на камата се врши откако уплатата по основ на таа фактура е евидентирана. За утврдување на каматната стапка се користи референтна стапка за пресметување на стапката на казнената камата утврдена од НБРМ зголемена за десет процентни поени во трговските договори и договорите меѓу трговци и лица на јавното право, односно зголемена за осум процентни поени во договорите во кои барем едното лице не е трговец (законска казнена камата). Примена кај добавувачите Овој модул може да се искористи и за проверка на каматната листа што е испратена од добавувачот на фирмата. Се случува каматните листи од добавувачите да не се точно пресметани според прописите во Македонија.   Провери ги другите надополнувања на Логин Системи во Македонска локализација во Microsoft Dynamics NAV / 365 Business Central . #msdynnav #msdyn365bc #MK

Изведба на компензација во Dynamics NAV се прави преку пополнување на дневникот за плаќања. Во овој дневник се ставаат неплатените фактури од двете договорни страни и потоа се искнижуваат. Бидејќи се изведува „рачно“ овој процес може да земе многу време за изведба, а можностите за грешки или превиди се големи. Затоа Логин Системи креираше функционалност за креирање, печатење и книжење на компензации. Оваа функционалност е составен дел од Македонската локализација . Поврзување на купувач и добавувач Прво е потребно да се поврзе фирмата-купувач со истата фирма, но во улога на добавувач. Оваа операција обично се прави при самото креирање на купувач или добавувач. Во екранот за компензации се става бројот на купувач или бројот на добавувач и модулот автоматски ги дава отворените фактури од едната и другата страна. Креирање на предлог на компензација Потоа во дневникот за плаќања, се избира пакетот за компензација и се избира „Предложи компензација“. Печатење на компензација Модулот овозможува и печатење на документ – Договор / изјава за пребивање / компензација и потоа нејзино испраќање до организацијата со која се прави компензација. Печатење на компензација Откако се добие потпишан документ, книжењето на компензацијата се прави на ист начин како и другите дневници. Корисни линкови Функционалности на Microsoft Dynamics NAV / 365 Business Central Македонска локализација #msdynnav #msdyn365bc

Скопје, 29.04.2019. Логин Системи, овластениот провајдер на Dynamics NAV / 365 Business Central, информира дека мобилната апликација за побрзо прегледување на содржините на веб сајтот на Логин Системи е расположива за сите посетители на сајтот на Логин Системи. Преку мобилен телефон или таблет со Android/iOS оперативен систем ќе може секој да се придружи на форумот за сметководство и бизнис, да ги чита блог-објавите и новостите за софтверските деловни решенија ЕРП. Ќе може да се дебатира за ПејПал, како и да се четува со другите членови на заедницата на Логин Системи. Со активности поврзани со Microsoft Dynamics NAV / 365 Business Central, корисниците на мобилната апликација потенцијално ќе градат меѓународна кариера. „За разлика од претходната наша мобилна апликација која беше повеќе како засебен прелистувач на сајтот, оваа апликација е направена да работи брзо, да има интеракција со сајтот и членовите на сајтот, и да може да се прегледуваат содржините појасно.“ изјави Венко Глигоров , управител на Логин Системи. „Ја избравме платформата на Wix за ова решение бидејќи се користи кај милиони корисници во светот и фирмата е посветена на унапредување на мобилната платформа“. Пред две години сајтот на Логин Системи го посетуваа 30% мобилни корисници. Од оваа година мобилните корисници се повеќе од половина со пенетрација од 60%. Функционалности на мобилната апликација ✅ Користење на форумот Покрај рубриката за Сметководство и финансии , креиравме и живи се рубриките за Стратегија и менаџмент , Dynamics NAV / 365 Business Central , ПејПал , Бизнис стил и здравје , и Бизнис совети . ✅ Комуницирање со заедницата на Логин Системи ✅ Закажување средба за користење услуги од Логин Системи ✅ Контакти за директна комуникација ✅ Блог-содржини за ERP и актуелности Поканата за користење на мобилната апликација може да се преземе од адресата http://wix.to/F0BBAGI. Логин Системи е овластен провајдер на софтверски деловни решенија и услуги базирани на Microsoft Dynamics NAV / 365 Business Central од 2002ра година до денес. Повеќе на www.LoginSystems.biz.

Скопје, 25.04.2019. Логин Системи го дополни бесплатниот веб калкулатор со нови функционалности и ги подобри постоечките. Новини кај калкулаторот се пресметка на плата според ангажман во текот на месецот, пресметка на персонален данок според ефективна плата или целосна плата. Овие функционалности заедно со можноста за избор на месец и година како и работен стаж, го прави веб калкулаторот на Логин Системи најцелосно бесплатно решение за плата во Македонија. Процент на ангажман % Се става вредност во проценти на време посветено на работа во месецот во организацијата. Ако се стави 50% тоа значи дека пола од времето во месецот вработениот е во организацијата. Персонален данок на ефективна плата Ова поле игра улога ако полето Ангажман % е различно од празно и е различно од 100. Ако е штиклирано, персоналниот данок се пресметува на ефективната плата. Ако не е штиклирано, персоналниот данок се пресметува на целосниот месечен износ на платата и се множи со полето Ангажман %. Во исписот на пресметката се назначени и бројот на ангажирани часови во месецот. Персоналниот данок може да се пресметука на ефективни работни часови во месецот или на целосната плата како да работи вработениот со 100% ангажман во месецот. Во горенаведениот пример ова поле нема влијание на персоналниот данок бидејќи целосната плата не оди на прагот за пресметка на прогресивен данок. Во своето преку 20 годишно работење Логин Системи има имплементирано софтверски решенија во преку 400 македонски фирми, банки и институции. Работиме посветено за да ја извршиме поставената задача навремено, стручно и во буџетот што сме го договориле со корисникот. Логин Системи е овластен Мicrosoft Dynamics NAV / 365 Business Central партнер од 2003та година – прва фирма во регионот (Македонија, Косово, Албанија). Повеќе за Dynamics NAV / 365 Business Central има на линкот www.erp.mk/DynamicsNAV. #плата #сметководство #dynamicsnav #msdynnav #msdyn365bc

Скопје, 19.04.2019. Од неодамна Логин Системи постави подредена листа на референци на Логин Системи за Microsoft Dynamics NAV / 365 Business Central и други деловни апликации кои се користат или користеле во изминатите 25+ години. Во своето речиси 30 годишно работење, Логин Системи стекна преку 1000 купувачи на ИКТ опрема и неколку стотини корисници на софтверски решенија и услуги. Во 90тите години и почетокот на милениумот, преку 400 фирми, банки и институции ја користеа апликацијата Инфо-изводи за пристап и преземање на податоци од Заводот за платен промет - посебна верзија за банките Инфо-бан користеа сите банки и тогашната Народна банка на Република Македонија. Иако Логин Системи имаше свој програм за сметководствено и деловно работење кој го користеа неколку десетина фирми, компанијата одлучи да се посвети на во тоа време Navision, кој потоа се преименува во Microsoft Dynamics NAV, а од април оваа година и официјално брендот се преименува во Microsoft Dynamics 365 Business Central. За одбележување е и активноста на Логин Системи во консултантските и тренинг услугите поврзани со ERP и Balanced Scorecard. Листата на референци содржи имиња на дел од фирмите и институциите кои користеле и користат производи и услуги до Логин Системи. Референците може да се погледнат на линкот www.loginsystems.biz/referenci. За попријатна работа на посетителите на сајтот, ставивме можност за филтрирање според земји, индустриски гранки и типови на решенија. Логин Системи е компанија основана во 1991ва година во Скопје, Македонија. Повеќе информации има на www.loginsystems.biz. #dynamicsnav #msdynnav #msdyn365bc

Скопје, 12.04.2019. Microsoft ја информира јавноста дека од први април оваа година (01.04.2019) новите корисници ќе имаат на располагање само набавка на лиценци од Microsoft Dynamics 365 Business Central. Лиценците за Dynamics NAV за нови корисници се недостапни и постануваат историски. Постојните корисници на Microsoft Dynamics NAV може да продолжат да набавуваат Dynamics NAV лиценци за корисници и објекти согласно моделот на лиценцирање што го избрале претходно: трајно лиценцирање или месечна претплата. Логин Системи започна со мигрирање на страниците на веб сајтот од Dynamics NAV кон Dynamics 365 Business Central. „Постоечките корисници на Dynamics NAV ќе ја имаат поддршката како и до сега“, вели Венко Глигоров, проектен менаџер и управител во Логин Системи. „Сепак, нашите развојни насоки во наредниот период ќе бидат кон Business Central и неговото прилагодување за употреба во Македонија и регионот.“ Корисни линкови: Трајно лиценцирање или месечна претплата Податочни листови за Dynamics 365 Business Central Функционалности на Dynamics NAV / 365 Business Central Како најбрзо до поставување на нов ЕРП систем? Форум на Логин Системи

Скопје, 22.01.2019. Веб калкулаторот за плата е ажуриран со најновите износи за минимална плата и со максималниот износ на плата после кој не се пресметуваат придонеси за плата. Како што информира МСФИ , просечната плата по работник во Република Македонија, според податоците на Државниот завод за статистика објавени во Јануари 2019 година изнесува 36.017 денари . Просечната плата се користи за утврдување на најниската и највисоката основица за пресметка на придонесите од задолжително социјално осигурување и тоа за пресметките за плата кои се однесуваат за месец Јануари до Декември 2019 година (согласно член 15 и 16 од Законот за придонеси од задолжително социјално осигурување). Слики: изглед на екраните на мобилен телефон Android Веб калкулаторот на Логин Системи е бесплатен за заедницата на Логин Системи, а зачленувањето е многу едноставно и брзо - заинтересираните може да се зачленат со емаил адреса, или со еден од профилите за Facebook и Google+. Калкулаторот е оптимизиран за работа со десктоп и со мобилни уреди Android и iOS. Веб калкулаторот се наоѓа на адресата www.erp.mk/presmetaj-plata. Поврзани информации: Дополнување со работен стаж: бесплатен веб калкулатор за пресметка на плата за 2019та Нови износи на даноци и придонеси за пресметка на плата 2019 - рекапитулар Подарок за празниците: бесплатен веб калкулатор за пресметка на плата за 2019та Во своето преку 20 годишно работење Логин Системи има имплементирано софтверски решенија во преку 400 македонски фирми, банки и институции. Работиме посветено за да ја извршиме поставената задача навремено, стручно и во буџетот што сме го договориле со корисникот. Логин Системи е овластен Мicrosoft Dynamics NAV / 365 Business Central партнер од 2003та година – прва фирма во регионот (Македонија, Косово, Албанија). #плата #сметководство #dynamicsnav #msdynnav #msdyn365bc

Скопје, 20.03.2019. Неодамна Логин Системи е информирана дека CIOReview ја смести компанијата Логин Системи во најтесниот избор на 50 најветувачки провајдери за деловни солуции на Microsoft за годината 2019. Панелот за избор на провајдери на деловни решенија евалуираше неколку стотини провајдери според нивната способност да им помагаат на ИТ директорите и сопствениците на фирмите за да ги пребродуваат предизвиците. За таа цел CIOReview подготвува специјално издание за Microsoft решенија во која ќе се наоѓа и листата „50 најветувачки провајдери на солуции на Microsoft за 2019“. Широкото портфолио на производите и услугите на Microsoft во комбинација со експертизата и програмерските ресурси се од голема полза за ИТ доректорите во нивната потрага за вистински избор за нивата организација. CIOReview е магазин за технологија во компанииете со преку 77.000 претплатници низ САД. CIOReview.com е онлајн заедница од активни бзинис професионалци со преку милион посетители месечно и неколку илјади следбедници на Twitter и другите социјални мрежи. Со своето речиси 20 годишно искуство со Microsft Dynamics NAV, Логин Системи има најбогато искуство и палета на решенија за сметководство и деловни апликации во Македонија и регионот. #msdynnav #msdyn365bc

Како дел од Македонската локализација на Microsoft Dynamics NAV, Логин Системи изработи нови магацински извештаи или ги подобри постоечките што доаѓаат заедно со Dynamics NAV. Извештаите за магацин во NAV не ги содржат сите потребни колони што ги бараат книговодителите и финансиските менаџери во Македонија. Логин Системи изработи „Аналитичка картичка на артикл“ (материјално и финансиско движење на артиклот во соодветен период и локација), „Финансиска состојба по магацини“ и “Материјална евиденција во трговија“ - МЕТГ извештаи кои не постојат во NAV. Кај извештајот за вреднување на залихата додадовме колона за почетната состојба плус влезот за соодветниот период. Бидејќи операцијата за вреднување на залихата и претставување во извештај може да биде подолготрајно, а на корисникот му е потребен брз податок на екран, Логин Системи изработи „Центар за брзо вреднување на залиха“. Преку овој центар корисникот може да исфилтрира податоци за магацин, период, категорија на артикл, број на артикл и да ги прикаже на екран спремни за копирање во Ексел. Повеќе за македонската локализација и надополнувањата има на страната „ Македонска локализација и надополнувања “. #msdynnav #msdyn365bc #сметководство

Како дел од Македонската локализација на Microsoft Dynamics NAV, Логин Системи изработи нови финансиски извештаи или ги подобри постоечките што доаѓаат заедно со Dynamics NAV. Извештајот Бруто биланс (заклучен лист) содржи колони за почетната состојба, промет во дадениот период, колона за почетна состојба + промет, салдо во Должи и Побарува, како и колона за “пребиено“ крајно салдо на контата. Аналитичките картички за конто, купувач и добавувач се направени да одговараат на барањата на финансиските менаџери во македонските фирми (стандардните картички не содржат разграничување на износите во колони за Должи и Побарува, како и други важни информации). Логин Системи изработи и девизни картички за странски добавувачи и купувачи, со комбиниран приказ на износите и во локална и во странска валута. Нови извештаи се извештајот за деловен партнер и извештајот за вработен. Првиот извештај ги дава заедничките информации за деловен партнер ако се јавува како купувач и како добавувач. Вториот извештај дава интегрални податоци за вработениот за каса-прими, каса-исплати, ситен инвентар, плата (ако се книжи платата по вработен) и сите други трансакции евидентирани во главната книга, а поврзани со самиот вработен Повеќе за македонската локализација и надополнувањата има на страната „ Македонска локализација и надополнувања “. #msdynnav #msdyn365bc #сметководство