Набавките се доста важна компонента во работењето на фирмите и организациите. Microsoft Dynamics NAV заедно со дополнувањата на Логин Системи овозможува целосно автоматизирање на процесот на набавки.

Целата операција започнува од барањето за набавка што го има некој вработен или оддел. Ова барање може да се запише директно во Dynamics NAV како Набавно требување (анг. Purchase Requisition). Алтернативно, ако организацијата е голема и сите немаат пристап во ERP системот, тогаш одобрувањата на требувањето се прави на хартиен документ.

Откако ќе се внесе во NAV, за требувањето почнува постапката на испраќање барање за понуди до одреден број на добавувачи. Понудите на добавувачите се внесуваат во NAV и се избира најповолната понуда. Со изготвувачот на најповолната понуда се склучува договор кој се става во NAV. (види слика подолу)

Ако набавката е повеќе кратна во текот на одреден период (повеќе месеци или седмици по ред), врз основа на договорот се креира рамковна порачка од која се прават потоа поединечни набавни порачки. Ако набавката се однесува на еднократна испорака на производи или услуги, од договорот се креира директно набавна порачка.

Кога ќе пристигнат производите, се прави приемница и се книжи набавната (влезната) фактура. Повеќе на темата има во блогот Поефтини и навремени набавки без (не)намерни грешки.