Како фирма сме горди на нашите досегашни деловни активности и постигнувања. Започнавме како компјутерска училница за обучување на Windows, Word и Excel. Паралелно со тоа направиме софтвер за сметководствено работење кој го користеа неколку десетици фирми во 90тите.

Во втората половина на 90тите години ги поврзавме сите банки и Народната банка во еден систем за аукција на депозити. Исто така во 90тите години пред појавувањето на Интернет, направивме Инфо-изводи, систем и апликација за организациите за компјутерско преземање на изводи од Заводот за платен промет. Ова решение беше претставено на сајтот на Microsoft како иновативно решение рамо до рамо со неколку други меѓународни финансиски институции.

​

Првата декада од 21виот век Логин Системи прерасна во водечки регионален дистрибутер на брендови како што се Microsoft, HP, EMC, Nortel, Cisco Systems, Canon и редица други светски лидери во својата област. Како дополнување на дистрибуцијата во Македонија, Косово и Албанија, Логин Системи обезбедуваше услуги на сервис за HP, поставување на серверски системи базирани на Windows Server, SQL Server како и имплементирање на ERP системи базирани на Dynamics NAV. 

​

Благодарение на напорната работа и успешните резултати, Логин Системи беше во ТОП200 најголеми компании во Македонија неколку години по ред.