Резултати од пребарување

Со преку 160.000 компании/организации , повеќе од 2,7 милиони корисници , Dynamics NAV е во употреба во 195 земји во светот - благодарение на Логин Системи во листата на земји е вклучена и Македонија. Всушност, Логин Системи е заслужна и за вклучувањето на Косово и Албанија во листата на земји кадешто е присутен Dynamics NAV. Инаку Dynamics NAV постојано се развива и надградува за да може да одговори на модерните барања на корисниците ширум светот. Моментално, најнова верзија наменета за пазарите во регионот е Microsoft Dynamics NAV 2018 . Од почетокот на април 2018та година, излезе новата верзија за клауд - Dynamics NAV 2018 R2 со ново бренд име Microsoft Dynamics 365 Business Central . Оваа верзија е наменета за 14 земји, а од јули оваа година ќе биде достапна и интернационалната верзија која може да се користи и во Македонија. Подолу на кусото видео може да се прегледаат најважните моменти од користењето на Micosoft Dynamics 365 Business Central. Во текот на оваа година, Логин Системи ќе го прилагоди на овој пакет за сметководство и ERP за македонските корисници. Видео: Introduction to Microsoft Dynamics 365 Business Central Повеќе информации за Dynamics NAV има на линкот www.ERP.mk/DynamicsNAV. Одговори на често поставуваните прашања има на линкот тука . Објавата за Microsoft Dynamics 365 Business Central е тука ... Бонус: видео сесии Како изгледа Microsoft Dynamics NAV ... Материјално работење ... Работа со мобилен телефон ...

Во оваа видео сесија, Евгенија Ѓорѓиева презентира за постапката на продажба во Microsoft Dynamics NAV. Како дел од материјалното работење, во видеото е опфатен процесот од креирање на продажна порачка, и книжење на испратница и продажна фактура. Исто така во видеото се презентира и налог за книжење. Повеќе за материјалното работење во Dynamics NAV има на https://www.erp.mk/DynamicsNAV/scm. Повеќе за модулот за набавки има на линкот https://www.erp.mk/DynamicsNAV/scm/Prodazbi.

Во оваа видео сесија, Евгенија Ѓорѓиева презентира за постапката на набавки во Microsoft Dynamics NAV. Како дел од материјалното работење, во видеото е опфатен процесот од креирање на набавна порачка, книжење на приемница и набавна фактура како и сторнирање на сторнирање на набавна фактура преку автоматско креирање на кредитно одобрение. Исто така во видеото се презентира и креирање на добавувач и артикл. Повеќе за материјалното работење во Dynamics NAV има на https://www.erp.mk/DynamicsNAV/scm. Повеќе за модулот за набавки има на линкот https://www.erp.mk/DynamicsNAV/scm/Nabavki.

Скопје, 28.03.2018. Денес, Логин Системи објавува дека отвори современ тикет систем за техничка и корисничка поддршка на своите корисници и сите заинтересирани за сметководство, ERP системи и деловно работење. Овој тикет систем е надополнување на Центарот за помош на Логин Системи за оние проблеми, потреби и барања за кои нема одговор во Центарот за помош или ресурсниот центар. Тикет-системот на Логин Системи е централизирано место за доставување на барања за помош и поддршка и ефикасно средство за водење на постапката за решавање на проблемот или одговор на прашањето. Барање за помош и поддршка се прави преку Центарот за помош ( https://help.loginsystems.biz/en/contact ), преку електронска пошта (само за корисниците што имаат договор за поддршка со Логин Системи) или преку страницата на Логин Системи на Facebook ( www.facebook.com/LSMacedonia ). Слика: Изглед на формуларот за поднесување на тикет При пополнување на барањето, корисникот одредува кој е типот на барањето и тоа: Инцидент. Ова се барања во рамките на техничката продажба која се наплатува. Кога корисникот наишол на одреден проблем поради објективна или субјективна грешка во Dynamics NAV, тој пополнува барање и го објаснува проблемот, става евентуално слика од екранот кога се јавила грешката или пораката. Прашање. Тука спаѓаат барања за добивање на одговор на одредена тема поврзана со функционалност на ERP системот, лиценцирањето, веб сајтот или теми што не се поврзани со првите три. Поплака. Тоа се барања поврзани со грижата на корисници и сме благодарни ако лицата доставуваат информации и сугестии како би можеле да се подобриме. Барање за измена. Ова се однесува на барања за извршување на измени во одредени модули и/или функционалности на сметководствениот софтвер и ЕРП систем базиран на Microsoft Dynamics NAV. Исто така, корисникот дава информација за областа на барањето и тоа: Функционалност. Оваа област опфаќа функционалности на сметководствениот софтвер и ЕРП системот, како и локализацијата и надополнувањата на Логин Системи. Лиценцирање. Се однесува на лиценцирањето за Microsoft Dynamics NAV, но и придружните програми и техологии какви што се Microsoft Office, Windows Server, SQL Server и останато. Веб сајт. Се однесува на веб сајтот на Логин Системи. Останато. Сите други области кои не спаѓаат во првите три области. При приемот на барањето, системот испраќа порака до барателот со број на тикет. Овој број на тикет е референца која се користи во текот на целата постапка до решавање и/или затворање на барањето. Поднесување на барање од страна на корисникот е бесплатно, а одговорните лица од Логин Системи одредуваат дали одговорот на барањето ќе биде бесплатно или за одговорот (или реакцијата) треба да се плаќа. За корисниците што имаат договор со Логин Системи за поддршка, одзивот на барањето и доставувањето на одговорот е дефинирано во самиот договор. Повеќе за тоа како се организирани оддржувањето и поддршката за Dynamics NAV има на линкот тука ...

Годишни надградби и месечни подобрувања на Microsoft Dynamics NAV ЕРП системите се „жива“ материја и постојано има потреба од поддршка, консултации и одредени мали надополнувања. Под одржување се подразбираат активностите на производителот Microsoft за континуирани надградби, подобрувања и отстранување на евентуални грешки во Microsoft Dynamics NAV. Како креатор на македонската локализација за Dynamics NAV, Логин Системи се грижи софтверот на Microsoft да биде компатибилен со македонските закони и прописи и со своите надополнувања го прави Dynamics NAV попривлечен за македонските компании и организации. Одржување на Microsoft Dynamics NAV Последните 5 години, Microsoft Dynamics NAV се надградува и одржува со нови верзии на годишни временски интервали. Така, секоја година во Ноември или Декември излегува верзијата на Dynamics NAV за наредната година. На пример, во Декември 2016та година излезе Dynamics NAV 2017. Во декември 2017та година излезе Dynamics NAV 2018. Дополнително, секој месец Microsoft пушта подобрена суб-верзија која содржи исправки на грешки, подобрување на перформанси и слично. Овие субверзии се нарекуваат Cumulative Update. Новите верзии и суб-верзии на Microsoft Dynamics NAV се бесплатни ако корисникот има набавено годишен Enhancement Plan (скр. BREP) или има месечна претплата (анг. Monthly Subscription). Македонска локализација и надополнувања од Логин Системи Македонската локализација и надополнувања од Логин Системи се одржуваат на редовна основа. Тоа значи дека програмскиот код се менува и подобрува врз основа на барањата на македонските закони, на барањата на корисниците или според видувањата на Логин Системи. Некои надградби се прават бесплатно, а некои со одреден фиксен или месечен надомест и зависи од комплексноста на надградбата или од функционалноста на решението. Напомена: Моменталната пракса на Microsoft објаснета погоре не е фиксна и може да се менува од страна на Microsoft без претходна најава. Иако надградбите и подобрувањата може да бидат бесплатни, самото ставање во нивна функција може да биде предмет на посебен договор ако самата надградба изискува забележителни активности кои надминуваат 2 работни часа. Какво е твоето искуство со одржување на сметководствениот програм или ERP системот што го користиш? Те молиме за коментар подолу! Благодариме.

Dynamics NAV поддржува малопродажни продавници и ПОС решенија за работа со малопродажни цени како што се бара во Македонија. Поддршката ја овозможува македонската локализација и надополнувањат на Логин Системи. На Dynamics NAV може да се прикачат ПОС апликации кои се поврзуваат со фискалните принтери и формираат ПОС каси. Надополнувањата и подесувањата што ги прави Логин Системи се однесуваат на книгата за трансакции на артиклите, пописот во продавница, производството, трансферите на артиклите од магацин во продавница, формирање на цени  и обратно како и за потребните извештаи што ги бара законодавачот. ПОС апликацијата на Логин Системи е со едноставен изглед но има моќни опции за брза и конформна работа на корисниците. Тие може да користат тачскин монитори или глувче со тастатура. Исто така, ако производите имаат бар-кодови, може да се користат бар-код читачи. Подолу се прикажани неколку екрани од апликацијата што е во функција во ланецот на ресторани: Мекиците од Стража .  Повеќе екрани од апликацијата и опис на функционалности има на линкот тука ...

Новиот Dynamics 365 'Tenerife' како наследник на Microsoft Dynamics NAV дефинитивно излегува во април 2018. "Само што видов неколку демо примери со финални корекции за Dynamics 365 Tenerife, следната генерација на Microsoft Dynamics NAV. Едвај чекам да покажеме на светот", напиша Марко Перишиќ, генералниот менаџер на Microsoft Dynamics 365 објави на својот LinkedIn профил. Логин Системи е овластен партнер и имплементатор на сметководствени и бизнис решенија и услуги базирани на Microsoft Dynamics NAV од 2002ра година до денес. #DynamicsNAV #PR #MK

Има разлика меѓу Microsoft Dynamics NAV како вистински ERP и останатите, претежно-локални, софтвери што се нудат во Македонија. Останатите софтвери (само) евидентираат податоци во сметководството и најчесто е потребно одделно да се запишуваат податоците во другите „островца“ од програми. Со Dynamics NAV се евидентираат трансакции во интегрираните области како комерција, магацини, материјално работење и ПОС, и сето тоа автоматски се книжи во сметководството според книжни шеми што претходно ги одредил сметководителот, а ги верификувал генералниот менаџер или сопственикот. Со други зборови, со Dynamics NAV се евидентира и се ВОДИ бизнисот интегрирано и целосно. ... со Dynamics NAV се евидентира и се ВОДИ бизнисот интегрирано и целосно Ќе дадам и пример за придобивките од вистински ERP. Пред 15на години користевме локален софтвер за сметководство и бевме не повеќе од 20 вработени. Правевме околу 500 до 600 фактури годишно. Но почна бизнисот да расте драматично, вработените беа со право истоштени и бараа засилување - според проценките требаше да примиме од 5 до 8 нови вработени, претежно во администрација и продажба. Но дури и со приемот на новите вработени не се гарантираше дека фирмата успешно ќе ги сработува нараснатите деловните задачи - обично нови вработени генерираат потреба од дополнителни вработени ако процесите не се оптимизирани и автоматизирани. Наместо вработување, одлучивме да ги поедноставиме и автоматизираме процесите што неминовно доведе до заменување на локалниот софтвер со меѓународно признат ЕРР софтвер Navision (подоцна превземен во портфолиот на Microsoft и преименуван во Microsoft Dynamics NAV). Обемот на работа се зголеми за десетина пати во наредните година две - годишно почнавме да правиме од 5.000 до 6.000 фактури, а бројот на вработени остана речиси ист!!!!??? За волја на вистината, се засиливме со еден до двајца вработени на места кои претходно не ни беа ни планирани бидејќи ги ангажиравме во делот за грижа на корисници наместо во администрацијата или продажбата. Подоцна, со Dynamics NAV ни се олесни работата во отворање на фирми во Битола (2006), но и во Косово (2006) и Албанија (2007). Dynamics NAV ги намалува потребите од ресурси во други области (пари, вработени, островца од програми) Изграден од самиот почеток како ERP, Dynamics NAV е вистински ERP и продуцира резултати за фирмата како ERP. Останатите софтвери се пред се' програми за сметководство кои отпосле се адаптирани и надоградени со нецелосни функционалности за да се викаат ЕРП. Не е до називот. До способностите на софтверот е за да се нарекува ERP. Накусо кажано, останатите софтвери евидентираат нешто што се случило во минатото, некогаш со внесување на истите работи и по повеќе пати на различни места. Microsoft Dynamics NAV запишува еднаш, ти дава моќ да работиш денес и ти нуди поглед во иднината ... Разликата е евидентна ... Повеќе за Dynamics NAV има на www.ERP.mk/DynamicsNAV . Иницијално објавено како статија на LinkedIn ... #DynamicsNAV #Сметководство

Логин Системи постави широк избор за споделување кај страниците со функционалности за сметководство и деловно работење (www.ERP.mk/DynamicsNAV). Така, посетителите на сајтот може лесно да споделуваат на социјалните мрежи (Facebook, Twitter, LinkedIn, Google+, Pinterest), да праќаат линкови со електронска пошта преку емаил провајдерите (Outlook, GMail, Yahoo), да споделуваат преку телеком операторите (WhatsApp, Viber) или да креираат и печатат како документ (OneNote, Print, e-mail клиент). #Сподели #Share #НекаДознаатДругите

Како би се викала адресата посветена на ERP во Македонија ако нема ERP во својот назив? Затоа, од денес може да се користи www.ERP.mk за пристап до информации за софтверските решенија во сметководството и деловното работење. На сајтот ги има функционалностите на светски-познатиот софтвер за ERP - Microsoft Dynamics NAV (www.ERP.mk/DynamicsNAV). Со постовите од блогот www.ERP.mk/blogerp може да се дознаат повеќе корисни сценарија и да се прочита за ERP и деловното работење. На форумот www.ERP.mk/forum се поставени повеќе категории од областа на сметководството и финансиите, менаџментот и популарните теми од областа на Dynamics NAV. Логин Системи е компанија за изведба на софтверски решенија за сметководство и деловно работење базирани на Microsoft Dynamics NAV. Решенијата на Логин Системи се користат во Македонија, Косово, Албанија и неколку други земји во светот. #ЕРП #ERP

"После 17 години во употреба, го менувам мобилниот оперативен систем Windows Phone со Android." - напиша Венко Глигоров, основачот на Логин Системи на својот фејсбук профил. "Првиот Windows телефон го земав во 2001 година од Sagem - Sagem PocketPC WA3050. Тривијална информација, бев првиот во Македонија со Windows телефон. Во сите овие години, највеќе го користев телефонот iMate K-JAM. Бев презадоволен од опциите и перформансите на Windows телефоните. Од пред некој ден, сум на Huawei P10 Lite со Android. Голема промена за мене. Жалам што Мајкрософт го прекина развојот на Windows Phone - беше одличен оперативен систем со бројни предности за деловните корисници. Нивната одлука е да продолжат да ги унапредуваат апликациите за Android и iOS." Галерија на Windows телефони што биле во употреба Лево-горе: Nokia Lumia (2015 - 2017) Десно горе: HTC "BlackBerry" (2008-2010) Лево долу: LG (2010 - 2012) Десно долу: Nokia Lumia (2014 - 2015) Лево горе: HTC JASJAR (2008 - 2009) Десно горе: HP Pocket PC (2000) без GSM Долу централно: HP iPAQ (2004 - 2006) Од лево на десно: Sagem PocketPC (2001 - 2004) iMate K-JAM (2004 - 2006) и (2013 - 2014) Huawei P10 Lite Android (2018 - ...) - замената за Windows Phone

Управата за јавни приходи информира дека од 01.01.2018 година се воведува нова процедура за пресметување и плаќање на обврските за персонален данок на доход. Имено, пресметувањето на данокот ќе се врши со поднесување на Електронска пресметка за приход и данок (е-ППД) до Управата за јавни приходи преку новиот систем е-Персонален данок e-pdd.ujp.gov.mk . Обврска за е-ППД Обврска за поднесување на Електронска пресметка за приход и данок (е-ППД) имаат: Исплатувачи на приходи (правни лица и СВД кои водат деловни книги) - кога исплаќаат приходи по сите основи на физички лица - резиденти на Република Македонија и на нерезиденти, освен за исплата на плата на вработени лица. Физички лица - резиденти кои остваруваат приходи од други физички лица и приходи од странство, освен за приходи од вршење на самостојна дејност. Физички лица - нерезиденти кои остваруваат приходи од други физички лица во Република Македонија. Намалување на административнот товар и поедноставување на постапките Со воведувањето на новите кориснички ориентирани услуги за персонален данок, покрај низа придобивки (види повеќе на http://ujp.gov.mk/mk/publikacii/pogledni/64 ), се намалува и административниот товар и се укинуваат обврските за даночните обврзници (исплатувачи на приходи, вршители на дејност и граѓани) за достава на пријави и извештаи до УЈП, и тоа: Исплатувачи на приходи. Со воведувањето на Електронската пресметка (е-ППД), исплатувачите на приходи почнувајќи со исплатите што ќе ги вршат од 01.01.2018 година, ќе немаат повеќе обврска да му издадат на секој обврзник збирен податок за вкупно платената аконтација, како и да поднесуваат годишни или месечни извештаи ПДД-ГИ, ПДД-ГИ/ОЗП, ПДД-ГИ/ОЦО, ПДД-МИ/ИС. Исто така, исплатувачите преку системот e-pdd.ujp.gov.mk , за исплата на приходи на физички лица-нерезиденти ќе имаат преглед на поднесените барања за користење на даночни стапки според договорите за одбегнување на двојното оданочување и двојното ослободување (Барање за ослободување од данок на доход Б-ОДД и Барање за олеснување односно ослободување од данок на доход по видови на приход Б-ОДД/ВП), како и одобренијата од Управата за јавни приходи издадени по поднесените барања. Во Електронската пресметка (е-ППД) данокот за приходот што треба да се исплати на нерезидентот ќе се пресмета по даночната стапка од меѓународниот договор според одобрението од Управата за јавни приходи. Граѓани. Со воведувањето на Електронската пресметка (е-ППД), граѓаните за приходите кои подлежат на оданочување, а се остварени во земјата или во странство, почнувајќи од 01.01.2018 година, немаат повеќе обврска за поднесување на Аконтативни даночни пријави ПДД-АДП/ПИ, ПДД-АДП/КД и ПДД-АДП/ДП. Почнувајќи од 2019 година, Управата за јавни приходи ќе им издава пополнета Годишна даночна пријава на граѓаните преку системот e-pdd.ujp.gov.mk , за приходите кои ќе ги остварат во 2018 година. Граѓанинот ќе има обврска само да ја потврди или корегира пријавата. Физички лица кои остваруваат приходи од продажба на сопствени земјоделски производи. Со законските измени и новите даночни процедури за персонален данок, физичките лица кои остваруваат приходи од продажба на сопствени земјоделски производи, за приходите остварени почнувајќи од 1 јануари 2018 година, немаат обврска за поднесување на Пријава за регистрација на обврзниците кои остваруваат приходи од земјоделска дејност УЈП-РДО/З и Барање за паушално оданочување за остварени приходи од земјоделска дејност ПДД-ПЗ. Сите даночни обврзници. Сите даночни обврзници кои се обврзани за поднесување на Електронската пресметка (е-ППД), преку системот e-pdd.ujp.gov.mk ќе имаат можност за преглед на износите на повеќе платен платен персонален данок по поднесените Електронски пресметки (е-ППД), како и да поднесуваат и вршат преглед на поднесените Барања за враќање на повеќе или погрешно наплатен ПДД. Ќе нема обврска за поднесување на Барања за пренасочување на погрешно платен ПДД. Новини и поднесување на електронска пресметка за приходите и персоналниот данок Со цел запознавање со новините и постапките за регистрација и начинот на користење на e-pdd.ujp.gov.mk, пополнување на електронските пресметки за персонален данок, поднесување на барања за користење на нивните даночни права, навремено исполнување на нивните обврски согласно новите даночни процедури... Управата за јавни приходи издаде Брошура „ Пресметување и плаќање на е-Персонален данок на доход “ во која детално се опишани чекорите кои треба да ги преземат одделните категории на даночни обврзници за да се усогласат со новиот начин на даночно работење, односно кои се новите обврски за: Исплатувачи на приходи Самостојни вршители на дејност, трговци поединци, занаетчии, адвокати за приходите од вршење дејност... Физички лица кои остваруваат приходи од продажба на сопствени земјоделски производи и трговци кои организираа зелени пазари Граѓани кои остваруваат приходи од други физички лица или приходи од странство Извор: Управа за јавни приходи