Скопје, 26.11.2021. Логин Системи, провајдерот на сметководствено-деловни софтверски системи базирани на Microsoft Dynamics 365 Business Central, објавува дека успешно префрли две Дански компании на новата верзија Business Central.

Покрај сметководството и финансиите, дистрибуцијата, производството, основните средства и набавките, овие фирми користат и напредни софтвери за менаџмент на документи (Document Capture и OCR) и за електронска размена на фактури EDI (анг. Electronic Data Exchange). Менаџментот на документи вклучува и оптичко препознавање на фактурите кои автоматски се внесуваат во Business Central со скенирање или од PDF формат. Плаќањата и преземањето на изводите од банките се изведува автоматски со напредниот модул за Плаќања

Процесот на преминување од постара верзија на Dynamics NAV (поранешен Navision) траеше нешто помалку од 4 месеци. Во овој период се направија прилагодени процедури за префрлување на податоците од стариот во новиот систем. Исто така беа преработени претходните кастомизации за да може да се задоволат построгите критериуми на Microsoft за програмирање во верзијата Business Central.

„Досега не сме извеле ваков потфат со две фирми кои имаат различно работење, истовремено да ги префрлиме на Business Central.“ вели Венко Глигоров, раководител на проектот. „Во петокот фирмите завршија со постарата верзија, а веќе во понеделникот започнаа со новата верзија на Business Central.“

Во надградбата на деловните системи базирани на Business Central, Логин Системи ги користи сопствените алатки за миграција на податоци како и своето искуство во надградбите на Business Central во десетина фирми во повеќе држави вклучувајќи и Македонија.

---

Microsoft Dynamics 365 Business Central е интегриран сметководствен и деловен софтверски систем кој ги задволува потребите на успешните мали и средни претпријатија во Европа и светот. Овој систем е продолжение на успешните бизнис пакети на Microsoft - Navision и Dynamics NAV.

Во Македонија и регионот Логин Системи има десетици успешни имплементации на деловни системи кои користат Navision, Dynamics NAV и Dynamics 365 Business Central. Овој сегмент во работењето на Логин Системи започнува во 2002 година.

#dynamicsnav #businesscentral #msdyn365bc

Фото: Рингстед, Данска (преземено од https://en.wikipedia.org/wiki/Ringsted)