Скопје, 27.01.2026 - Во пресрет на започнувањето на системот за е‑Фактура на Управата за јавни приходи (УЈП) во текот на 2026 година, со кој дигиталната размена на фактури ќе стане задолжителна за деловните субјекти во фазен модел, Логин Системи и Економски правен консалтинг „ФВ“ ја најавуваат новата серија специјализирани професионални обуки за сметководители и компании.

Овие обуки се одобрени од Институтот на сметководители и овластени сметководители, ИСОС, институција овластена за издавање КПУ поени и за следење на стандардите за континуирана професионална усовршеност. Учесниците добиваат 3 (три) КПУ поени.

Обуките ќе ги изведува Венко Глигоров, консултант за деловни процеси, ERP системи (Business Central), API интеграции и дигитална усогласеност со локални регулативи.

Зошто оваа обука е важна?

Системот за е‑Фактура на УЈП воведува целосно нов начин на креирање, испраќање и процесирање фактури - преку структурирани дигитални документи (JSON), електронски потписи, валидации и доделување единствен идентификациски број (EUID). Тоа значи дека традиционалалните PDF фактури, иако дигитални, веќе нема да бидат доволни за усогласеност со новиот законски модел.

Овие промени директно влијаат врз сметководствените процеси, подготовката на ДДВ, архивирањето, контролите и секојдневната деловна оператива.

Паралелно, компаниите и сметководителите треба навремено да ги разберат фазите на воведување, различните групи на обврзници (B2G, B2B, retail), транзициските периоди, начинот на валидација на документи и сценаријата за прифаќање, одбивање или корекција од УЈП. Од техничка гледна точка, потребно е да се знае како се регистрира корисник, како се креира е‑Фактура, како функционира автоматската проверка, како се користи порталот, мобилната апликација или API интеграција со ERP системи.

Оваа обука има за цел да им обезбеди на сметководителите и деловните корисници практична насока, наречени чекор‑по‑чекор демонстрации, јасни објаснувања и препораки за избегнување на најчестите грешки и административни недоследности.

За кого е наменета обуката?

Обуката е внимателно дизајнирана за сметководители, сметководствени бироа, финансиски тимови и компании од сите големини кои сакаат навремено и професионално да се подготват за новиот систем. Таа е подеднакво корисна и за организации што користат едноставни алатки за фактурирање и за оние што имаат напредни ERP решенија, бидејќи сите ќе мораат да се прилагодат на структурираниот формат, дигиталниот потпис и валидацијата на УЈП.

Особено значајна е за компании што планираат интеграција со Microsoft Dynamics 365 Business Central, Пантеон или локални ERP системи, бидејќи разбирањето на техничките и организациските барања однапред значително го намалува оперативниот товар и ризикот од грешки во следните фази.

Што добиваат учесниците?

Учесниците на обуката добиваат сертификат за 3 КПУ поени, согласно правилата на ИСОС. 

Важно е да се напомене дека доделените КПУ поени се признаваат само како дел од целосната едукативна програма на Економски правен консалтинг „ФВ“, бидејќи оваа е‑Фактура обука е интегриран модул во нивниот поширок програмски циклус за континуирана професионална усовршеност.

За да бидат КПУ поените целосно валидни, учесниците треба да ја следат комплетната ФВ програма организирана во неколку последователни едукативни денови.

Линкови до комплетната програма на ФВ (по денови): 

👉 Ден 29.01.2026: линк 

👉 Ден 04.02.2026: линк 

👉 Ден 11.02.2026: линк

Бидејќи Логин Системи е надворешен обучувач, целокупната политика на цени, регистрација, уплата и услови за откажување е во надлежност на Економски правен консалтинг „ФВ“, и обуката се реализира согласно нивните официјални правила и деловни практики.

Дополнително, учесниците добиваат:

• материјали од обуката (PDF),

• практични примери и демонстрации во тест-средина,

• детални насоки за избегнување најчести грешки,

• објаснувања за статуси, EUID, валидација и процеси,

• можност да постават конкретни прашања.

Предавач

Венко Глигоров

Консултант со повеќе од 10 години искуство во ERP имплементации (Microsoft Dynamics 365 Business Central), специјализиран во API интеграции, дигитална усогласеност и автоматизација на деловни процеси. Има реализирано успешни проекти во 10 земји и е главен архитект на сертифицирани решенија достапни на Microsoft AppSource.

Регистрирајте се и приклучете се

👉 Повеќе информации за обуката и пријавување 

https://www.loginsystems.biz/events/efaktura-ujp-obuka-3-kpu

👉 Приклучи се во специјализираната група за е‑Фактура за УЈП (со претходно одобрување)

erp.mk/e-faktura-grupa

👉 Приклучи се во групата за Business Central (отворена група)

https://www.loginsystems.biz/group/dynamics-365-business-central/discussion

👉 Дознај повеќе за е‑Фактура на нашата веб‑страница 

https://www.loginsystems.biz/e-faktura-makedonija

#businesscentral #ефактура