Скопје, 01.02.2025 година. Денес, Логин Системи објавува дека основната македонска локализација за Microsoft Dynamics 365 Business Central („Business Central“) подготвена од Логин Системи сега е во живо на Microsoft AppSource.
Апликацијата на Логин Системи, LSM Macedonian Base Localization App („LSM Base App“), вклучува прилагодувања и функционалности за усогласување на македонските национални сметководствени/финансиски стандарди при користење на Business Central. Апликацијата му овозможува на Business Central да биде компатибилен со македонските даночни регулативи, да има приспособени формати за финансиските извештаи релевантни за локалните закони, да се придржува со македонските финансиски регулативи.
Со над 100 подобрувања, прилагодувања и нови функционалности во LSM Base App, главните карактеристики на апликацијата вклучуваат:
Црвено сторно
Прилагодени ДДВ пријави
Прилагоден бруто-биланс (заклучен лист)
Подобрени аначитички картички за купувачите и добавувачите
Креирање на налози за книжење
Биланс на успех, биланс на состојба и државна евиденција
Продажни ценовници кои вклучуваат единечни цени без и со вклучен ДДВ заедно со нивоата на залихи
... и многу повеќе
LSM Base App работи одозгора на LSM Macedonian Localization Reusables App, апликација која вклучува локализациска инфраструктура како функционалности за архивирање на дојдовни документи, потписници на документи и увоз на девизни курсеви од Народната банка на Македонија.
За да биде вклучена во Microsoft AppSource, Логин Системи ја разви апликацијата за да биде компатибилна и со Business Central Online (клауд верзија) и со Business Central OnPrem (на сопствен или хостиран сервер). Со тоа што е веќе во живо во Microsoft AppSource, апликацијата им гарантира на корисниците на Business Central дека македонската локализација на Логин Системи ги поминала процедурите за валидација и сертификација на Microsoft кои се неопходни да се поминат како решенија и апликации на Microsoft AppSource.
„Подготвивме придружни материјали за LSM Base App, така што корисниците ќе бидат усогласени со законските барања и им обезбедивме да имаат исклучително искуство при користењето на Business Central во Македонија“, вели Венко Глигоров , управител на Логин Системи. „Корисниците ќе го ценат нашето над 20-годишно искуство со Navision, Dynamics NAV и Business Central кои се вградени во македонската локализација“.
Линкот до апликацијата е следниот: LSM Macedonian Base Localization App. LSM Base App е дел од портфолиото на апликации на Логин Системи за македонска локализација за Business Central какви што се:
LSM Macedonian Localization Premium App (напредни функционалности)
LSM Macedonian Localization People App (човечки ресурси и плати)
LSM Macedonian Localization Retail Management (малопродажба)
LSM Македонски Service Management (управување со сервис)
За целосно искуство на македонските корисници на Business Central, Логин Системи подготви превод на македонски јазик за Business Central (LSM Macedonian Language for Business Central).

Ако сте заинтересирани за македонска локализација во Business Central, имате можност да резервирате бесплатна консултација со кликнување подолу.
За Microsoft AppSource
Microsoft AppSource е онлајн продавница која содржи илјадници деловни апликации и услуги изградени од водечки провајдери на софтвер во индустријата. Можете да го користите AppSource за да го пронајдете, пробате, купувате и распоредите деловниот софтвер и услуги кои ви помагаат да го водите вашиот бизнис.
За Business Central
Microsoft Dynamics 365 Business Central е изграден и оптимизиран за мали и средни бизниси. Тоа е апликација за компании кои ги надминуваат своите почетни деловни решенија или заменуваат застарен наследен систем и им треба решение од крај до крај за финансии, продажба, услуги и операции. Повеќе информации на www.loginsystems.biz/bc .
За Логин Системи
Основана во 1991 година, Login Systems е македонска компанија за имплементација и одржување на ERP деловни решенија базирани на водечкиот Microsoft Dynamics NAV / 365 Business Central. Повеќе информации на www.loginsystems.biz.
Comments