Резултати од пребарување

Во документот што го објавува агенцијата ПроАгенс, Правила за користење на годишен одмор и за исплата на регрес во 2021 година, се објаснува дека регресот за годишен одмор се оданочува со данок на личен доход со стапка од 11,1111% применета на нето износот на надоместокот. Регресот влегува во годишниот доход за утврдување на даночната прогресија. Според членот 9 на Законот за исплата на платите („ЗИП“), работодавачот може да врши исплата на регрес за годишен одмор најмногу до 60% од просечната месечна нето плата по работник во РМ објавена до денот на исплатата. Во истиот член е предвидено дека регресот се исплатува еднаш во текот на годината, а доколку се исплатува во два дела, вкупниот износ не може да биде повисок од правото утврдено при првата исплата. Во продолжение е табеларен приказ на висината на регресот за 2021ва година. Преглед на висината на регресот за годишен одмор за 2021-та година (извор ПроАгенс) Исплатата на регресот се врши преку сајтот на УЈП, https://e-pdd.ujp.gov.mk/, со избирање на вид на доход: Т.1 Доход од работа, а во подвид се избира Ѕ1.7 Доход кој подлежи на оданочување со данок – регрес. Висината на даночно признатиот расход по работник на денот на исплатата изнесува 16.682 денари ако се пресметува во мај 2021. Внесување на регресот во е-ПДД на УЈП Објаснување на колоните Колона 1. Најмал нето износ (без данок на личен доход) на регрес за годишен одмор (кој не е намален заради потешкотии во работењето) во приватниот сектор (ОКДПС) = 40% од последна просечна тримесечна нето плата во РМ. Колона 2. Пропишана висина (без данок на личен доход) на регрес за годишен одмор со Грански колективни договори (приватен сектор) = една последна просечна тримесечна нето плата во РМ. Колона 3. Пропишана висина (без данок на личен доход) на регрес за годишен одмор со Закон за исплата на плати ... (јавен сектор) = 60% од последна просечна месечна нето плата. Колона 4. Даночно признаен расход за целите на оданочувањето со данок на дибивка (Закон за данокот од добивка) = 40% од една последна просечна месечна бруто плата во РМ. Во овој износ е содржан и пресметаниот данок на личен доход. Извор: Про Агенс #плата #регрес

На својата фејсбук страница, друштвото Каровска ДООЕЛ објави информација: „И физичките како и правните лица, имаат обврска да ги пријават во УЈП, своите рекламирања на FB и Google! Поднесете Барање, образец ЗД-ДО во архивата на УЈП!“ Дали некој има повеќе искуство и познавање за оваа проблематика?

Целиот процес од берење маслинки до точење екстра вирџин маслинов зејтин Лани постирав видео на Фејсбук за правење екстра вирџин маслинов зејтин. Имаше неочекувано за мене, голем интерес и прашања почнувајќи од купување ваков зејтин до отворање на бизнис за правење на зејтин. Оваа година/сезона направив подетално, но сепак аматерско, видео и собрав повеќе информации. Видеото е направено во фирма која почнала оваа година со работа. Ќе видите дека се' e ново. Инвестицијата како што разбрав е 400.000 евра. Фирмата направила хала, на автопатот од Тирана за Драч, ставила машини од Италија и сега произведува зејтин за луѓе што си ги носат самите своите маслинки. За да нема забуни, расправии и мангуплаци, маслинките што си ги носиш ти ги мерат, и после чистењето се ставаат во посебна комора одделно за секој купувач - и името е „закачено“ на комората. Го има на видето. Потоа од коморите, по принципот кој прв стигнал прв се опслужува, една по една комора се обработуваат за за да се добие зејтин. Додека не заврши комората за еден купувач, не се пуштаат да се обработуваат маслинките од друг купувач. Општо земено, маслинката се гмечат за да излезе „сок“ од нејзе. Првиот сок што ќе излезе е екстра вирџин зејтинот. Останатато се меле и се прави каша од остаток на маслинките. (го има на видеото) Оваа каша може понатаму да се обработува при што ќе се добие (само) вирџин зејтин. На крајот, од кашата што ќе се добие после вирџин зејтинот, со хемикалии и висока температура се двои сувата материја од кашата и „сокот“ што се добива е зејтин што се вика помаст (анг. pomace) зејтин или кај нас познато како рафинирано масло за јадење. Помаст зејтинот е најефтин и најнеквалитетен, а најчесто се користи за пржење. На видеото е прикажано правењето на екстра вирџин маслинов зејтин, литературно се вика(ло) маслиново масло. Во зависност од маслинките, а и периодот на нивна берба, на 100 кг собрани маслинки, се добива 10 до 15 а може и 20 литри зејтин. Тоа што е битно за машините е да може да ја поткренат температурата при дробењето и гмечењето. На пример, во неомври температурите се ниски и ако се гмечи на поладно, се добива помалку зејтин - како што знаете, самиот зејтин на поладно се стврднува. Затоа ве прашуваат дали да се подзагреат маслинките во процесот на дробење за да се добие повеќе зејтин, а при тоа да не се изгуби на квалитетот на зејтинот. Моето искуство кажува дека колку маслинките се поблиску до морскиот брег, тие се помали и имаат повеќе „зејтин“ во себе. Ова не мора да е научно докажано. Само мое искуство од повеќе децениското набљудување. Плаќањето е, или (1) во процент од зејтинот, на пример фирмата задржува зејтин заради правењето, или (2) се плаќа за правењето зејтин. Не ме прашувајте за цени бидејќи видеото не содржи комерцијални информации туку процесни информации. Погледнете го видеото и ако ви е корисно, ќе ми се направи кеифот и ќе ми се исплати трудот што го вложивме со брат ми Звонко за да го направиме истото. Посакувам убава работна седмица што почнува денес. Видео: целиот процес на правење екстра вирџин зејтин На крајот на видеото ја снимив и фирмата од Италија што произведува машини за правење зејтин. Не сум застапник на таа фирма ниту работам со увоз на машини, а не ни можам да знам дали се квалитетни машините или не. #здравје #екстравирџин

Стандардниот модул за попис на производи во Microsoft Dynamics NAV е детален и прегледен. Сепак, Dynamics NAV бара пописот да се внесе и искнижи на денот кога е направен. Ова во суштина значи дека целата активност на фирмата поврзана со залиха треба да биде во мирување додека целосно не се направи и прокнижи пописот. Во случаи кога не е можно целата операција да се изведе и да се искнижи во истиот ден, Логин Системи изготви подобрување на функционалноста на модулот за попис. Со подобрувањето на Логин Системи е можно да се прави попис на одреден датум (еден или повеќе денови), а потоа книжењето и состојбата на залихите да се земат од датум кога навистина се одржал пописот наместо од денот на книжење. На пример, ако фирмата прави попис (физичко броење) на 31.12.2015 и податоците од пописот ги внесува во Јануари наредната година, иако датумот во Дневникот за попис е од 31.12.2015, Dynamics NAV ги зема во предвид и трансакциите односно количините на артиклите и во Јануари. Креирање на пописна листа Се оди на страната Phys. Inventory journal (се бара во search) и кога ќе се отвори journal-от се избира Calculate Inventory. Потоа кога ќе се отвори прозорецот се пополнуваат податоци како на сликата (датум, број на документ, дали да се појавуваат артиклите за кои нема залиха, и магацин). Печатење на пописна листа Стандардната пописна листа се печати со Print, а да се отпечати листата со Detail Description, Item Tracking Code и Part No. се користи командата Print (LS). Како на сликата подолу. Внесување на избројани количини и книжење Откако ќе се заврши физичкото броење, одговорните во финансии ќе ги внесат избројаните количини во колоната Qty. (Phys. Inventory) и системот сам ќе покаже дали се работи за кусок или вишок во колоната Quantity. Оваа операција не предизвикува книжење се’ додека не се кликне Post, така што од финансии слободно можат да ги внесат избројаните количини и пред книжење да се направи контрола. Важна напомена Прикажаните екрани се на англиски јазик. Ако корисникот сака да раоти со Македонски јазик, слободно може да избере од менито за јазици.

За да ја олеснам работата на оние кои сакаат да креираат бизнис сметка за наплата на производи и услуги преку Paypal, направив листа на успешни приказни од лица кои споделиле на овој форум. ✔️ Viktor Davkov Поврзување со PayPal | форум (loginsystems.biz) ✔️ Ena Vidak Успешна Пејпал сметка за примање пари во НЛБ тутунска банка | форум (loginsystems.biz) ✔️ Hypio Social Успешна имплементација на бизнис Paypal | форум (loginsystems.biz) ✔️ Marijan Bandev Успешна имплементација на Pay Pal | форум (loginsystems.biz) ✔️ Dimitar Ivanovski Активиран ПејПал за прием на пари со Visa Business од Комерцијална банка | форум (loginsystems.biz) ✔️ Bogdan Bobi Todorovski Креирав PayPal и примив пари | форум (loginsystems.biz) Се надевам дека овие линкови ќе бидат корисни. Ако сте успеале, споделете ја и вашата приказна. #paypal #пејпал Ако сте заинтересирани за консултација 1 на 1, закажете состанок на линкот подолу.

Постапката за креирање на сметка во PayPal за да може да се купува на Интернет или преку електронска пошта е следната. 1. Отворање на сајтот на пејпал Се оди на сајтот на Пејпал www.paypal.com и се избира Sign Up. 2. Избор на тип на сметка Се избира копчето за Personal Account и се кликнува на ОК. 3. Основни информации Се внесуваат основни информации како што се држава, Име, Презиме, емаил адреса и лозунг. Потоа се кликнува на Next. 4. Контакт информации Се ставаат податоци за контакт. Се штиклира Stay logged for faster checkout и се штиклира „I confirm ...“ откако ќе се прочита договорот и изјавата за приватност (што речиси никој не ги чита во оваа фаза 😉😉😉). Address line 2 се употребува ако адресата е подолга од вообичаено. Откако е пополнето, се кликнува на Agree and Create Account. 5. Линкување на кредитна/дебит картичка со пејпал-сметката Ако е се' во ред, се појавува следниот екран. Се кликнува на Get Started за да се линкува платежната картичка со пејпал сметката. Се внесува бројот на картичката, месецот и година на истекување и безбедносниот код (се наоѓа на задната страна од картичката. Се кликнува на Link Card. 6. Екран за успешно креирање на сметка Постапката е завршена ако се добие екран како на сликата подолу (или сличен екран). Со ова завршува постапката за креирање на сметка во Пејпал. Со оваа пејпал сметка може да се купува насекаде во светот кадешто е прифатена картичката. Посакуваме успешно купување! 🔶 Прашања или дилеми поставувајте во коментар на оваа порака. Или отворете прашање во оваа категорија ... Напомена Креирање на бизнис сметка за Пејпал се прави како надополнување на оваа постапка. Со бизнис сметката ќе може да се примаат пари од продажба на производи и услуги, или да се примаат бакшиши и донации. #paypal #пејпал #какода

Во објавата Три клучни знаци кои покажуваат дали вашата Пејпал сметка може да наплатува пари од купувачите може да се провери дали бизнис сметката подесена да поддржува прием на пари. Од нашето досегашно искуство се покажува дека MASTERCARD не поддржува Пејпал во Македонија. Имаме сознанија дека се разговара со Мастер за овозможување. Кликнете Follow на овој пост или на целата рубрика за Пејпал за да добиете веднаш информација кога Мастеркард ќе биде расположив за прием на пари. Уште една работа што е важна е дека пријавената картичка во бизнис сметката треба да поддржува Ауто-трансфер (видете слика подолу). Лево прикажаната картичка има опција за Ауто-трансфер. Ако во бизнис сметката нема пријавено картичка што нуди Automatic Transfers - Пејпал не ги вклучува функционалностите за продажба преку Пејпал. Ова е заштита за корисниците на бизнис сметката затоа што може да се случи некој да ви плати, а Пејпал да нема механизам да ви ги префрли парите на картичката. Најдобро е тие што имаат картичка што не поддржува Ауто-трансфер - да се обратат на банката-издавач на картичката. Корисен линк: Како-да: Креирање на бизнис сметка на PayPal за продажба на производи/услуги и прием на пари #пејпал #paypal

Почеток со продажба во печатница Софија Мојата бизнис приказна започнува пред 15 години. Уште тогаш ја имав прецизно зацртано мојата цел и патот по кој треба да одам за да ја постигнам. Иако точно знаев што сакам, признавам дека не можев ниту да претпоставам што ме очекува. Едноставно, мислев дека се ќе биде поедноставно. ... искуството мора секогаш да се надополни со квалитетна едукација. Затоа постојано инвестирам во знаење. Зад себе имам 14-годишно работно искуство, но искуството мора секогаш да се надополни со квалитетна едукација. Затоа постојано инвестирам во знаење. Тринаесет години работам во сегментот продажба во убедливо најголемиот бренд во графичката индустрија во Македонија, Печатница Софија. Компанијата е основана од моите родители и речиси 30 години успешно опстанува и се развива иако пазарните услови не секогаш се добри за водење на овој бизнис. Најтешко е кога нешто продавате. Треба да го уверите купувачот дека го добива најдоброто за своите пари ... Најтешко е кога нешто продавате. Треба да го уверите купувачот дека го добива најдоброто за своите пари, но она што е особено важно е да ја освоите неговата доверба. Да знае дека може да ви верува и секогаш да се потпре на вас, и се разбира да биде сигурен дека ќе му помогнете да расте и да се развива. Сепак, добрата приказна е залудна ако зад неа нема одличен производ. Сметам дека токму тоа е адутот на Печатница Софија. Постојано инвестираме во нови технологии и несебично го вложуваме нашиот креативен потенцијал, но и нашите емоции и знаења. Реализација на мојот сон - Ефектива Пред повеќе од шест години одлучив да работам на реализација на мојот сон. Искрено признавам дека на почетокот се плашев. Ми требаа две години за да пресечам дека ќе ризикувам наместо да останам во комфорната зона која ми ја нудеше веќе етаблираната компанија на моите родители. И никогаш не се покајав за тоа. Многумина ме разубедуваа велејќи дека не е лесно да водиш сопствен бизнис во Македонија и дека во маркетинг водите успеваат само големите риби, но токму тоа беше мотив повеќе да се обидам. Ја основав маркетинг агенцијата „Ефектива“. Ние сме едно мало, но креативно семејство, препознатливи како женски тим, но се разбира не ја исклучуваме можноста во иднина да нѝ се приклучи и припадник на спротивниот пол 😃 ... се обидуваме да создадеме нова енергија во маркетинг просторот во Македонија. Веруваме во квалитетот и креативноста што ги нудиме. Шест години се зад нас. За некого можеби малку, но за мене многу значајни. Значајни затоа што се обидуваме да создадеме нова енергија во маркетинг просторот во Македонија. Веруваме во квалитетот и креативноста што ги нудиме. И кога на сето тоа ќе се додадат искрената емоција, многу работа и постојано усовршување, убедена сум дека го имаме вистинскиот рецепт за успех. Живееме и работиме во време на исклучително лоша комуникациска култура, на креатива без емоција, на кампањи без резултати и мерливост. Живееме и работиме во време на исклучително лоша комуникациска култура, на креатива без емоција, на кампањи без резултати и мерливост. Ние пробуваме да се се бориме нудејќи го спротивното. Секој состанок со нов клиент го започнувам со став на еден мој професор: „Квалитетот е резултат на двете страни - 50% на оние кои ја предлагаат стратегијата или креативата и 50% на оној кој одлучува за неа.“ Бизнис совет(и) ✅ Ризикувајте за својот сон! Впуштајте се во ризик за работите кои искрено ги сакате и за кои имате знаење. Не се плашете. Стравот е најголемиот непријател на иницијативноста. ✅ Вложувајте во постојана едукација! Од едукација никогаш доста. Посетувајте саеми, следете новитети, учете постојано, истражувајте, читајте... Обидете се да создадете тим од луѓе кои сакаат да учат нови нешта и кои се жедни за знаење. Во спротивно ќе имате тим кој ќе биде само тег на вашата нога. ✅ Ништо не е едноставно! Ако одлучите да започнете сопствен бизнис, заборавете на помислата дека ќе биде лесно. Многу е тешко, многу препреки стојат на патот. Треба да ја најдеш работата, не ти доаѓа на тацна. Треба да ја сработиш квалитетно, да ја наплатиш, да поделиш плата на вработените, а целиот тој синџир не е лесен за носење. Има многу главоболки, но добро завршената работа е лек за сите главоболки и носи насмевка на вашето лице на крајот на денот. Има многу главоболки, но добро завршената работа е лек за сите главоболки и носи насмевка на вашето лице на крајот на денот. ✅ Имајте доверба во луѓето! Јас седнувам на маса да разговарам со клиент и од старт сакам да му верувам. Давам шанса за доверба и искрен пристап. Тоа е скапоцен дар. Демотивирачки е кога од старт поставувате гард и недоверба. Инспирирајте и слушајте ги внимателно потребите на вашите клиенти. ✅ Сите имаме лоши денови! Сите имаме лоши денови, па од старт сфатете дека и членовите на вашиот тим и клиентите имааат лоши денови. Разберете ги и дајте им шанса да се чувствуваат комотно и на свој терен. Компанијата ја градиме заедно. Сите сме заслужни и за успесите и за падовите. Сите имаме лоши денови, па од старт сфатете дека и членовите на вашиот тим и клиентите имааат лоши денови. ✅ Дефинирајте ја својата цел! Мотивира кога од спротива имаш клиент кој од старт ја кажува целта која сака да ја постигне. Тогаш можеме да разговараме за тактики и креативност. Ентузијазмот кај клиентите мотивира, но и вашиот ентузијазам ги мотивира нив. Работам и кога сум на одмор, на кафе... Работам и кога сум на одмор, на кафе... Едноставно е, идеите ти го напаѓаат умот, а креативноста и инспирацијата се насекаде. Лично, инспирација ми се едуцирани луѓе, искрени луѓе кај кои љубовта ја гледаш во нивните очи. Постојат професиналци, постајат луѓе со многу знаење. Најдете ги. Никогаш нема да го прифатам фактот дека во Македонија, конкретно во мојата професија има голем аматеризам. Најгласни се оние кои најмалку знаат. Постојат професиналци, постајат луѓе со многу знаење. Најдете ги. Само со професиналност, едукација и чесен пристап ќе изградиме квалитетно општество. И на крај, треба да го работите она што најмногу го сакате, но искрено и од дното на душата. Не се плашете од работа. Во моментов ја работам и мојата самостојна изложба и мојата книга првенче. „Црвена линија“ е името и на изложбата и книгата. Преку нив ќе споделам многу работи и интимни чувства. Сметам дека имам што да кажам и ќе го кажам на мој начин . Софија Семенпеева Facebook: Sofija Semenpeeva Instagram: sofijaart За „ЕФЕКТИВА“ Ефектива е независна маркетинг агенција, лоцирана во Скопје. Нашиот тим е составен од искусни креативци кои работат во различни области во делот на маркетингот и комуникациите. Стратегијата е столб на нашето работење, а во срцето на нашата стратегија се нашите клиенти. Тие се наши партнери. На едно место добиваат од идеја до реализација. Секоја фаза во целокупниот процес на креирање и создавање е внимателно анализирана. Нашата цел е визијата на клиентите да ја претвориме во вистинска приказна. Приказна, која нивните брендови и производи ќе ги доближи до потрошувачите и ќе создаде емотивна врска со нив. Развиваме маркетинг и комуникациски решенија на дигиталната ера. Нашата визија е поврзување на off line со on line просторите за комуникација. Ова е вистински предизвик во кој вложуваме 100% од нашата креативна енергија. Веб: https://www.behance.net/effectiva Facebook: Effectiva Ја очекуваме твојата бизнис приказна и бизнис совет на адресата www.LoginSystems.biz/biznis-prikazna #МојатаРабота #БизнисСовет #БизнисПриказна #Стратегија #Менаџмент #ERP

Управата за јавни приходи на својата веб страница објави насоки во врска со примената на Законот за данок на личен доход. Законска основа Oд 1 јануари 2019 година започнува да се применува Законот за данок на личен доход објавен во Службен весник на РМ бр. 241/18 од 26.12.2018 година. Со овој закон се уредува оданочувањето на личниот доход на физичките лица, обврзникот за плаќање на данокот на личен доход, даночната основа за пресметување на данокот на личен доход, даночните стапки, роковите за плаќање на данокот на личен доход, како и други прашања кои се значајни за утврдување и плаќање на данокот на личен доход. Законот може да се преземе тука. Видови на доход Со Законот за данок на личен доход извршена е поделба на доходот на следните видови на доход остварени во земјата и во странство: доход од работа; доход од самостојна дејност; доход од авторски и сродни права; доход од продажба на сопствени земјоделски производи; доход од права од индустриска сопственост; доход од закуп и подзакуп; доход од капитал; капитални добивки; добивки од игри на среќа; доход од осигурување и друг доход. Стапки на данок на доход Данокот на доход, за доходот од работа, доходот од самостојна дејност, доходот од авторски и сродни права и доходот од продажба на сопствени земјоделски производи, СЕ ПЛАЌА ПО ПРОГРЕСИВНИ СТАПКИ и тоа: Данокот на доход, за доходот од права од индустриска сопственост, доходот од закуп и подзакуп, доходот од капитал, капиталните добивки, добивките од игри на среќа, доходот од осигурување и друг доход, СЕ ПЛАЌА ПО ЕДИНСТВЕНА СТАПКА ОД 15%. Аконтација на данокот по одбивка од исплатувач Аконтацијата на данокот на доход се плаќа по одбивка, при секоја исплата на следните видови доход: Аконтација на данокот што ја пресметува обврзникот - физично лице Во текот на годината обврзникот пресметува и плаќа аконтација на данокот на доход за следните видови на остварен доход: Важни напомени Аконтациите на данокот на доход по одбивка СЕ ПРЕСМЕТУВААТ И ПЛАЌААТ СПОРЕД СТАПКАТА ШТО ВАЖИ НА ДЕНОТ НА ИСПЛАТАТА НА ДОХОДОТ, освен данокот на доход по основ на плата, надоместок на плата, пензија и исплата по основ на деловна успешност на работодавачот кој ќе СЕ ПРЕСМЕТУВА И ПЛАЌА СПОРЕД СТАПКАТА И ДАНОЧНОТО НАМАЛУВАЊЕ ШТО ВАЖАТ ЗА МЕСЕЦОТ ЗА КОЈ СЕ ПРЕСМЕТУВА И ИСПЛАТУВА ПЛАТАТА, НАДОМЕСТОК НА ПЛАТА, ПЕНЗИЈА И ИСПЛАТА ПО ОСНОВ НА ДЕЛОВНА УСПЕШНОСТ НА РАБОТОДАВАЧОТ. Аконтациите на данокот на доход по одбивка за платата за месец декември 2018 година се пресметува и плаќа по стапка од 10 проценти (без примена на прогресивното оданочување) и личното ослободување кое важи за 2018 година. Системот е-Персонален данок е соодветно прилагоден согласно новиот Закон за данок на личен доход и ќе започне со примена на 03.01.2019 година. Започнатите постапки до денот на започнување на примената на овој закон ќе завршат согласно Законот за персоналниот данок на доход („Службен весник на Република Македонија‘‘ број 80/93, 70/94, 71/96, 28/97, 8/01, 50/01, 52/01, 2/02, 44/02, 96/04, 120/05, 52/06, 139/06, 160/07, 159/08, 20/09, 139/09, 171/10, 135/11, 166/12, 187/13, 13/14, 116/15, 129/15, 199/15, 23/16 и 190/17). Со денот на започнувањето на примената на овој закон престанува да важи Законот за персоналниот данок на доход („Службен весник на Република Македонија‘‘ број 80/93, 70/94, 71/96, 28/97, 8/01, 50/01, 52/01, 2/02, 44/02, 96/04, 120/05, 52/06, 139/06, 160/07,159/08, 20/09, 139/09, 171/10, 135/11, 166/12, 187/13, 13/14, 116/15, 129/15, 199/15, 23/16 и 190/17). Извор: УЈП објава - НАСОКИ ВО ВРСКА СО ПРИМЕНАТА НА ЗАКОНОТ ЗА ДАНОК НА ЛИЧЕН ДОХОД (28.12.2018) #данок #доход

Во Хина Продуктс од самото основање Од 2000 година сум дел од тимот на фамилијарната компанија Техноалат Комерц дооел од Гевгелија, под која работи пекара Житко и фабриката за преработка и конзервирање Хина Продуктс. Во 2005 година од самото основање на Хина Продуктс, па се’ до денес сум на позиција Менаџер на продажба, и тоа е нешто што навистина ме исполнува. ... позицијата Менаџер на продажба е нешто што навистина ме исполнува. Имам прекрасен тим на млади луге кои секојдневно ми даваат се' поголем елан за реализација на се’ поголемите предизвици кои ни се појавуваат на пазарот. Секој производ од широката палета на Хина производите е направен од внимателно селектирани зеленчуци, и горди сме што нашите купувачи се презадоволни од истите. ... наши носечки производи би ги издвоила Домашниот ајвар и Домашната лутеница ... Како наши носечки производи би ги издвоила Домашниот ајвар и Домашната лутеница кои со право ја користат придавката ДОМАШНО😊 Бизнис совет Продавам автентичен македонски производ на кој никој, ама баш никој до сега не останал рамнодушен. Домашно ајварче. Го продавам со многу емоција, а велат емоција во бизнисот не е дозволено. Јас би рекла малку поинаку. ... емоција во бизнисот не е дозволено. Јас би рекла малку поинаку. Кога еднаш ќе стекнеш мислење за човек, во било која сфера на животот, никогаш не го менувај и не му давај втора шанса… бидејки тој некој никогаш нема да се промени. Десанка Алчинова Facebook: Desanka Alchinova За Техноалат Комерц, Гевгелија Фирмата е формирана пред 15 години и една од првите приватни фирми во општина Гевгелија. Од пред една година работи во нови простории со комплет нова линија за леб и бели пецива и има збогатен и разновиден асортиман на истите.  Контакт: ТЕХНОАЛАТ - КОМЕРЦ ГЕВГЕЛИЈА  тел: 034-211-985 ул. Маршал Тито бр.124, Гевгелија тел: 034-212-284 ул. Индустриска бб, Гевгелија Веб: www.hinaproducts.mk Facebook: HINA Products Ја очекуваме твојата бизнис приказна и бизнис совет на адресата www.LoginSystems.biz/biznis-prikazna #МојатаРабота #БизнисСовет #БизнисПриказна #Стратегија #Менаџмент #ERP

ВАШИОТ УСПЕХ НЕ Е ИЗНОС, ТУКУ СОСТОЈБА За успесите не се расправа. Или, тоа се однесуваше на вкусовите? За мене, секој човек има сопствена визија за тоа што е за него успех. Како стасал до таму, која е цената што ја платил, која е маката што морал да ја менаџира. Затоа, успехот е посебен вкус што секој човек може да го доживее и особено препознае. И, како и секоја гастрономска категорија, успехот не е крајна дестинација. ... успехот е посебен вкус што секој човек може да го доживее и особено препознае. Успехот е состојба. Успех не е да имате милион долари. Да имате милион долари, значи комоција. Притоа, можете да бидете и несреќни. Познавам многу такви. И, најголемиот дел од нив, го потрошиле животот мислејќи дека милион долари е конечниот критериум на успехот. Распаднати семејства, страшни болести, искривоколчена општествена слика за себеси... и тука не мислам на оние кои на криминален начин дошле до спомнатиот милион. Или милијарда, имаме и такви. Не мислам на нив, пеколот е нивната состојба. Која е магичната мирудија која го дефинира животот како успешен? Долго време се обидував да дефинирам - која е магичната мирудија која го дефинира животот како успешен.., а за да го согледам тоа, морав сопствениот и патот на многу други да го обсервирам низ еден подолг период. И конечно да ја изградам сопствената дефиниција, сопствената верзија, сопствениот вкус. Со целосна свест дека менито на успех е, повторно, релативно, но сепак прекрасно во својата бескрајна паноплија на можности. ... си ветив себеси: никогаш нема да работам за пензија. Кога татко ми ја доби својата прва пензија, првата реакција му беше: по 40 години посветена работа, со оваа пензија ќе можеме само да преживееме. Јас бев во совршена возраст за да ова длабоко емотивно признание го доживеам како комплетно трауматично искуство. Па си ветив себеси: никогаш нема да работам за пензија. ... (и) зборот го одржав. Оттогаш поминаа неколку децении, но зборот го одржав. И покрај околината која постојано правеше врева за тоа колку е таквиот став погрешен, неодговорен и опасен. Но денес, можам прецизно да го квантифицирам ефектот од таквиот став. Забавно е, навистина: ✅кога целта на вашиот работен век е пензија, вие сте роб, а вашиот живот - пекол. ✅Кога не работите за пензија, вашиот живот е возбудлив повеќе од филм, кој постојано тече 200 на час и е крајно исполнителен. Бизнис совет: Денес, имам неверојатна привилегија од небото да можам да кажам дека ... ... да се биде инвеститор во пасивен приход е најспецифичниот зачин кој можете да го замислите. Еве што предизвикува тој чудесен зачин: 1 > пишувам порака на мобилниот, гледам екранот напукнат преку целата должина. Си велам, ајде да видам колку чини ова задоволство, а особено откажувањето од него. Одам во мобилара, прашувам колку чини некој добар ајфон, велат - 850 долари. Ги вадам од џебот последните 850 долари и опсесивно ги уплаќам во моето инвестициско портфолио. Бидејќи, во даден момент тој износ ќе содржи уште една нула. Задоволството што притоа го чувствувам е неспоредливо во однос на погледот кој ми паѓа врз екранот кога ја пишувам мојата наредна порака, која ја праќам на личниот асистент чиј пак мобилен е последен крик на технологијата... 2 > Ворен Бафет ... не' залуде со неговото - вистински заработувате само кога парите доаѓаат додека спиете ... Тоа што Ворен Бафет, волшебникот од Омаха, уште одамна не' залуде со неговото - вистински заработувате само кога парите доаѓаат додека спиете - мораше да се продухови за да животот не се сведе на заработување и трошење. 3 > И тука е третата, клучната мирудија во зачинот на успехот: вашиот успех е правопропорционален со бројот на луѓе на кои сте им служеле. Тој број ќе определи не само колку ќе заработите, туку и колку вашиот живот има смисол. Ако во клучниот момент, кога ќе го напуштите овој свет, немате насмевка на лицето, вашиот живот бил бесмислен. Зачинот на највкусната варијатна на успехот Тоа е зачинот на една од највкусните, секако не и единствена, варијанта на успехот: 🔶 сменете го светот на подобро со доволна цврстина да ја контролирате маката и никогаш да не се откажете од СНИШТАТА; 🔶изградете бизнис или состојба на КОНТИНУИРАНИ и ПАСИВНИ приходи кои ќе ви овозможат целото ваше време и креативност да го посветите на она или оние што ви се најдраги; 🔶ослободете се од сите замислени потреби и статусни симболи и вашата слобода и вашата работа нека им помогне на што поголем број луѓе - за да бидете вистински среќни и да заминете од овој свет насмеани. ... вашата слобода и вашата работа нека им помогне на што поголем број луѓе - за да бидете вистински среќни и да заминете од овој свет насмеани. П.С. А сништата? Кои сништа? Па, сништа имате само ако се толку големи што се плашите од нив... 😀 Suad Missini Facebook Page: Suad Missini www.LoginSystems.biz/biznis-prikazna #МојатаРабота #БизнисСовет #БизнисПриказна #Стратегија #Менаџмент #ERP

Сметководствен циклус е низа од постапки за следење на финансиски трансакции и известување за финансискиот ефект на тие трансакции. Подолу ги прикажуваме најбитните точки од овој циклус. Се случува некоја трансакција, на пример точење на гориво. Документот од трансакцијата (изворниот документ) оди во сметководството. Се анализира изворниот документ за да може да се запише трансакцијата во соодветниот дневник. Дневникот се книжи во главна книга. Се подготвува бруто-биланс. Се подготвуваат финансиски извештаи. Трансакции и изворни документи Деловните трансакции се случуваат на различни начини, а истите задолжително генерираат трага на хартија (или во електронска форма). Примери: прием на уплата, прием на средства на кредитни картички, сметки од фискални каси, откажани чекови, вратени слипови, продажни фактури, набавни порачки, набавни фактури, временски картички, слипови за депозит, чекови или копии, забелешки за позајмица. Секој изворен документ вклучува датум, износ, опис на трансакцијата, име и адреса на другата страна. Слика: сметка за гориво како изворен документ Овие изворни документи се неопходни за секој сметководствен систем. Тоа се записи од трансакциите и содржат информации потребни за следење на финансиските активности. Изворните документи и нивните записи треба да бидат сочувани како референтни податоци за во иднина, за анализа на финансиски извештаи или во случај на ревизија, како поткрепа на тие извешати. Некои повторувачки трансакции може да немаат хартиен изворен документ, какви што се трошоците за амортизација, банкарските трансакции или трошоците за работењето за кои фактурата сеуште не е доставена или платена. За ваквите трансакции, мора да се креира изворен документ, на пример, план за амортизација, извод од банкарска сметка, или план за пресметани трошоци. Општ дневник За да се заведе во книгите, трансакцијата треба да се контира односно да му се зададе соодветно конто и против-конто земено од пропишаниот контен план. Со контирањето, трансакцијата се внесува во општ дневник која е всушност „книга на оригинални ставки”. Општиот дневник во основа е хронолошка листа на трансакции, секоја со објаснување, референтен број и означување на соодветни конта (на должи или побарува) и износи. Слика: Изглед на општ дневник во Dynamics NAV Главна книга Следниот чекор е да се пренесе ставката од општиот дневник во главната книга и оваа постапка се нарекува „книжење“. Главната книга уште се нарекува и книга на трансакциски сметки (конта). Главната книга ја поедноставува анализата на ефектите од трансакциите на контата и претставува основа за составување финансиски извештаи. Секоја страна од главната книга треба да има заглавие со број на контото, негов опис и следните колони: датум на книжење на дневникот, опис на книжениот дневник, и износи за должи и побарува (дебит и кредит). Слика: Главна книга со искнижен општ дневник Ставките од општиот дневник се пренесуваат на соодветното конто во главна книга. Така секое конто ќе може да биде избалансирано во секое време: салдо на страната „должи“, салдо на страната „побарува“ и пресметаната разлика. Затворање на крај на период и подготовка на финансиски извешати На крајот од секој период, откако сите трансакции ќе се искнижат од соодветните дневници, главната книга за затвора. Потоа, износите од дневниците се пренесуваат на контата во главна книга. Следно, вкупните износи од контата се пренесуваат на контата во главна книга. На крајот, се пресметуваат вкупните износи на контата од главна книга и се добива прелиминарно крајно салдо за секое конто. Забелешка: Претходната постапка е објаснета за рачно пресметување. Кога се работи со Dynamics NAV, сите овие преноси и пресметки на салда се прават автоматски со самото пренесување (книжење) на оштиот дневник во главната книга. Со претходната постапка, прелиминарниот бруто биланс е подготвен. Сите салда на контата од главна книга се пренесуваат во бруто билансот кој претставува листа на сите конта заедно со нивните салда. Вкупното салдо на колоната должи треба да биде еднакво на вкупнот салдо на колоната побарува. Пред затворање на книгите, одредени прилагодувања треба да се направат на контата за настаните кои не се евидентирани во дневните трансакции. Овие ставки за прилагодување (анг. adjustments) се обработуваат како сите останати записи: се анализираат, внесуваат во соодветниот дневник и се книжат. Потоа контата, на кои се направени овие прилагодувања се повторно во рамнотежа, бруто билансот е подготвен со салда од секое конто од главна книга. Повторно, вкупното салдо на колоната должи треба да биде еднакво на вкупното салдо на колоната побарува. Бруто-биланс Работниот бруто биланс дава информација дали книгите се избалансирани. Тоа е листа на сите трансакциски конта прикажани во табела, секое со салдо од крајот на месецот, било на страната на должи или побарува, веднаш покрај описот на контото. Исто така, бруто билансот има две колони за должи и побарува за делот на билансот на состојба и две колони со должи и побарува за делот со билансот на успех. Откако, првите две колони од работниот бруто биланс се урамнотежени, бројките се пренесуваат во колоните од билансот на состојба или колоните од билансот на успех. Слика: Бруто-биланс Потоа, салдото на должи и побарува се пренесува од работниот бруто биланс на соодветниот дел од билансот на успех или биланс на состојба. Билансот на состојба ја покажува финансиската состојба на компанијата. Билансот на успех ги покажува сите приходи за одреден временски период, намалени за сите трошоци при генерирање на тој приход. После подготовката на финансиските извешати, неопходно е да се подготви главната книга за следниот сметководствен период. Затоа, контата за приходи и трошоци, се затвораат и нето приходот или загубата се префрлаат на други соодветни конта. Тоа се прави со затворање на периодот во општ дневник. По затворањето на периодот, конта за приходи и трошоци немаат салдо. Потоа, се подготвува конечниот бруто биланс, за да се обезбеди сите салда на контата од главната книга да бидат точни на почетокот на новиот сметководствен период. Бидејќи сите конта за приходи и трошоци се затворени на нула, овој бруто биланс ќе содржи само конта од билансот на состојба. Заклучок Ова е општо, поедноставено објаснување на сметководствениот циклус. Тоа може да се разликува согласно потребите на компанијата и нејзините процедури. Во повеќето компании процедурите се автоматизирани. Како и да е, добро е да се познаваат основите на сметководствотото. Повеќе за функционалностите на сметководството од Dynamics NAV има на линкот тука. Одговори за најчесто поставуваните прашања за Dynamics NAV има на линкот тука.