Резултати од пребарување

Здраво дечки, денес успешно креирав и остварив трансакција на мојот бизнис пејпал профил. Без да должам, еве ја постапката: -Креирајте обичен профил (paypal за потрошувачи ((( ЗНАМ ДЕКА ОВА ЗВУЧИ ЗБУНУВАЧКИ, трпение....))) линкот можете да го најдете овде: https://www.loginsystems.biz/forum/platezhni-sistemi-paypal/kako-da-kreiranje-na-smetka-vo-paypal-za-kupuvanje -Следен чекор е во полето за националност да изберете албанско или бугарско (препорачувам албанско бидејки тоа за мене функционира во моментов), внесете ја вашата адреса, мобилен етц... -Следен чекор е од кога ке го креирате овој обичен профил да поврзете картичка, да го верификувате мејлот етц..... Потоа одјавете се и обидете се пофторно да креирате НОВ профил но овој пат одберете бизнис профил. Внесете го ИСТИОТ мејл што го користевте за вашиот обичен профил и одберете ја опцијата за апгрејд на веќе постоечкиот профил во бизнис профил. Со среќа!

Како продолжение на измената на регулативата на Народната банка како и мојот претходен пост (За да носи мед, саќето треба да е подготвено - следни чекори за PayPal) дека е потребно да се подготват работи во повеќе сегменти - отварам тема за извозот на мали пратки. Постои заинтересираност и начелна согласност кај надлежните институции за разговор и наоѓање решенија за извоз на мали пратки. Сегменти за кои би се зборело се транспортни трошоци и нивна сигурност, шпедитерски трошоци и царински формалности. За да не биде само на жалење на администрацијата, сега кога имаме подадена рака, замолувам да споделите ваши искуства, предлози и сугестии околу овие теми. Ако немате, а знаете некој има искуство, информирајте го за оваа иницијатива/сондажа за да може да се вклучат релевантни лица. Ни требаат паталци, а не - гаталци. Времето е значајно. Ве молам да прибереме фидбек во наредните 10 денови. Ќе претстојат средби во Министерството за економија и во Царината. Благодарам! #paypal #однасзависи

Софтверите за сметководство и деловно работење веројатно си ја вршат својата основна улога кај корисниците: книжење, фактурирање, магацини, веројатно и прозиводство. Не се секогаш проблем фунционалностите, иако некои софтвери заостануваат и во функционалностите. Се губи многу време кога ќе се наголеми обемот на податоците, повеќе години, повеќе трансакции ... Тешко се наоѓаат податоците што се најмногу потребни. Како побрзо до релевантни инфромации? Добар софтвер треба да има разработено начини информацијата да биде на дофат корисниците. Со еден или повеќе кликови да се стигне до информацијата за да се донесе некоја оперативна или тактична одлука. Business Central се издвојува од конкуренцијата со поврзаноста на податоците и со лесното навигирање меѓу нив. Тоа што го издвојува од другите е пребарување низ компаниските податоци со задавање на неколку знаци и/ил зборови. Подолу на сликата е прикажано како се добива резултатот од пребарување на Adatum... Пребарување по компаниски податоци Јасно се гледа дека оваа фирма се јавува како купувач, добавувач и има книжени фактури. Се разбира дека ако се кликне на некоја од линиите, Business Central ќе го однесе корисникот на посакуваното место за да види повеќе податоци/информации. Како се стигнува до оваа опција? Лесно. Како да избирате да пребарувате на Google или Bing. Види слика подолу: Почеток на пребарување Се внесува збор или реченица. Business Central прво проверува дали веќе има некоја команда со таков назив, или некоја страница или извештај. Исто така нуди дали се сака да се пребарува низ компаниски податоци. Важна напомена: Пребарувањето на податоците се прави согласно овластувањата за пристап на податоците. Ако корисникот нема пристап на купувачите, воопшто нема да пребарува низ купувачи. Дополнителен бонус е тоа што пребарувањето во Business Central се прави од било кој уред, дали е компјутер, лаптоп, мобилен или таблет, информацијата е секогаш на дофат. Ако сте заинтересирани да дознаете повеќе за Business Central, овде може да дознаете: 👉 Способности на Business Central 👉 Блог објави за Business Central 👉 Настани за мигрирање од вашиот постоечки софтвер на Business Central 👉 Консултација 1-на-1 #businesscentral #msdyn365bc

Здраво, Ве молам за помош: како да направам "следење" на пратка која е платена преку пејпал., за која имам пејпал трансакционен ИД. А производот е купен на ebay. Благодарам однапред.

Денес, 07.10.2019, на покана на заменик-министерот за економија, г-нот Кирил Колемишевски, остварив работна средба поврзана со Пејпал и останатите (странски) платежни процесори. Целта на средбата беше да се започнат активности за елиминирање на евентуалните пречки околу извозот на македонските производи и услуги и наплатата преку PayPal и останатите платежни процесори. Заменик-министерот Колемишевски покажа голем елан и желба дa поддржи активности на подобрување на условите за стопанисување на микро и малите фирми и на поединците-професионалци во сите сфери. „Заедно ќе се заложиме овој сегмент од македонската економија да го динамизираме и да овозможиме услови за зголемен извоз на македонските производи и услуги.“ напиша на својата фејсбук страница Кирил Колемишевски. „Преку овозможување на PayPal, сметам дека има голем потенцијал за македонската економија, нашите производи и услуги да се најдат на светскиот пазар. Ова особено е корисно за микро и малите фирми, поединците и професионалците, чии услуги и производи се барани во Европа и светот.“ истакнува Колемишевски. „Ги повикувам претприемачите, бизнисмените и луѓето со храбри идеи, да ме контактираат за презентирање на идеите и мерките, бидејќи сите сме дел од тимот кој треба да ја подобри македонската економија.“, завршува во својата објава на фејсбук страницата заменикот-министер Колемишевски. Ме радува еланот и односот на заменик министерот за подобрување на условите за работење. Посебно е за поздравување неговата проактивност - самиот изрази желба работите да се сменат. Замислете. Ова е обратна ситуација од која сме се навикнале. Нека биде за пример. Зборувавме за прилагодување на прописите за користење Пејпал и другите светски платежни процесори при наплата од странство. Освен придобивката од Пејпал, Македонските претприемачи да имаат намалени трошоци и поедноставени процедури при продажба на своите производи. Областите кои треба да бидат координирани и со можност прилагодени на поголем број на мали субјекти и поединци се прикажани на сликата подолу. Повеќе за ова има во објавата „За да носи мед, саќето треба да е подготвено - следни чекори за PayPal“. Од средбата се донесе заклучок дека овие активности треба да финишираат кон крајот на годината. На крајот од овие активности ќе биде потребно да се разговара со претставниците на Paypal за да се овозможи овој сервис во Македонија. Потоа и другите сами ќе дојдат. Пејпал и останатите платежни процесори Како што е познато, PayPal е овозможен во Македонија за купување на производи од странство, но нема можност за продажба на македонски производи на странските пазари. Неодамна Народната банка ја укина пречката за отворање на сметки во странство - види НБРМ: Овозможено отворање сметки кај странските електронски сервиси за трансакции за комерцијални цели. Ова беше првиот неопходен чекор. Сега од сите нас зависи Замолувам овие денови да доставите ваши согледувања, предлози, идеи и коментари кои би се користеле во разговорите и активностите со горе-посочените институции. За да може подобро да се адресираат потребите на стопанствениците, претприемачите и професионалците, очекувам поголем фидбек за потребите во коментари, тука на овој пост, или на Сондажа: Искуства со транспорт, шпедиција и царинска постапка за мали пратки при извоз. Може да напишете нова објава на форумот. Сега од нас самите зависи колку ќе се заангажираме за да обезбедиме Пејпал што побрзо. #paypal #министерствоекономија #пејпал #однасзависи

Бев на последниот настан за Пејпал, но тогаш не отворив акаунт. Сега син ми почнал нешто со видео едитирање за некои гејмери и сработил 80 долари па сака да ги повлече парите. Отворив АЛБ акаунт на пејпал, па се мислам дали да го префрлам во бизнис акаунт како што советувавт. Акаунтот го поврзав на Виза дебитна од Халк, која дефакто тој ја користи (купување игри и сл.). Прашањето ми е дали да трансформирам во Бизнис акаунт (физичко лице, ако повлекува пари ќе си плаќам персонален) или да го оставам како сега па вака да му праќаат средства (гледам дека ја има таа опција)?

Прием и наплата на пари од купувачите се прави само со креирана бизнис сметка во Пејпал. Посете го линкот Креирање на бизнис сметка во Пејпал ако не сте креирале бизнис сметка. Иако бизнис сметката ви е креирана, кај некои корисници нема можност за прием на пари. За да утврдите дали вашата бизнис сметка во Пејпал може да прима пари односно да наплатува за продадените производи и услуги, потребно е да ги проверите следните работи. 1) Дебитната/кредитната картичка треба да е линкувана со сметката На адресата https://www.paypal.com/businesswallet/money треба да проверите дали картичката е прикажана и нема на нејзе никаков екстра знак. Ако има извичник, икс, прашалник или било каков екстра знак, тоа покажува дека не е до крај линкувана картичката со бизнис сметката. Кликнувате на самата картичка и конфигурирате. 2) На главниот дешбоард треба да имате линк Withdraw Money На адресата https://www.paypal.com/mep/dashboard се наоѓа дешбордот за вашата бизнис картичка. Ако под текстот на салдото на картичката не пишува Withdraw funds (повлекување пари), тогаш веројатно бизнис сметката не е конфигурирана за прием/наплата на пари од продажба на производи и услуги. 3) Алатките во Пејпал содржат апликации за бизнис Ако од менито Tools изберете командата All Tools, ќе ви се појави листа на апликации за работа со бизнис сметката. Можете да одите и директно ако кликнете на овој линк - https://www.paypal.com/merchantapps/myapps. Ако во менито лево на екранот имате само две - три команди, тоа значи дека бизнис сметката не е конфигурирана за прием на пари. Посебно треба да видите дали ги има командите Get paid, Integrate PayPal и Sell your products. ... Ова се главните знаци дали вашата сметка има можност за прием на пари. Ако една од овие точки не е исполнета, вашата сметка не е „способна“ за прием на пари. Обратете се на вашата банка за помош и за проверка. ✍️ Напишете коментар со вашето искуство при проверката на картичката. Лајкнете ја објавата ако ви беше корисна. Споделете ја на вашиот пријател за да му користи и нема. Благодарам! 💙 #пејпал #paypal #бизснисметка

На 8.8.98 година (точно пред 20г), заедно со мојата сопруга и шестмесечниот син, одлучивме со нашето 8 години старо Југо, да се преселиме од Струмица во Скопје. Сиот наш имот го закачивме на куката од Југото, и се вселивме во Ново Лисиче во двособен стан под кирија. Од имот имавме многу љубов, прекрасен син, големи соништа и празни џебови. Политичка активност Како припадник на несреќната ЈНА генерација кога се распаѓаше Југославија, живеев со убедување дека мора да бидам политички активен, за да не оставаме простор на себични политичари, на кои за лични интереси целата моја генерација им послужи како топовско месо. Но, тогаш верував дека преку политика човек може да делува за изградба на подобар свет. Има една мудрост која што вели дека кој на млади години не бил социјалист, нема срце, но кој подоцна ќе остане социјалист, нема мозок. Така и јас, додека бев млад и наивен, бев политички активен социјалист, денес сум само млад! :) Ја напуштив политиката пред точно 10 години, кога навлегов со полн младешки потенцијал во претприемништвото. Тогаш веќе ми беше сосема јасно дека во политиката човек служи на туѓи агенди, кои не само што не се свои, туку се и спротивни од сопствените убедувања. Зачетоците како претприемач Одлучив да работам за себе, но, немав капитал. До тогаш верував дека се важни парите, а не идеите. Но, подоцна увидов дека не е баш така, дека менаџмент моделите на 20ти век веќе не се вклопуваат со потребите на 21ви век. Време беше да се промениме, бидејќи и економијата беше сменета. Софтверската технологија напредна енормо. Промените се кон “фигитал” (PHYsical & diGITAL), креирајќи нов бизнис дизајн, со спојување на дигиталните и физичките светови во сите аспекти на човековиот живот. ... менаџмент моделите на 20ти век веќе не се вклопуваат со потребите на 21ви век. Станав непоколеблив кон личната визија, но флексибилен кон деталите. Знаев и ЗОШТО нештата ги правам, а не ми беше важно КАКО, за тоа оставав на стручни луѓе од областа на софтверската технологија да најдат решенија. Дигитализацијата ми стана алатка за лична промена! Порано бев од оние кои "кои знаат се", сега сум од "оние кои учат се"! Сватив дека незнам, а мислев дека знам! Порано бев од оние кои "кои знаат се", сега сум од "оние кои учат се"! Видов дека додека цел свет се менува и напредува, ние сме фокусирани на лажни лидери, кои не се претприемачи, туку политичари.! Знаев дека за миг не можев да постигнам успех, но за миг можев да го сменам фокусот. До тогаш бев фокусиран на парите, работев за пари, сега се фокусирав на градењето мрежи, па парите почнаа да работат за мене, користејќи ја глобалната дигитализација. Новите економски трендови станаа краудфандингот, краудсорсингот, огментацијата, дигитализацијата и автоматизацијата. Преку тие текови се покажа дека никогаш не било полесно и побрзо да се позиционира човек на пазар со сопствена идеја, но и никогаш не било полесно и побрзо да се исфрли човек од тековите, доколку нема визија за себе. Сватив дека само инвестирањето во себе навистина се исплати ... Почнав многу да инвестирам во себе, учев од најдобрите во светот на маркетингот, претприемништвото и личниот развој. Сватив дека само инвестирањето во себе навистина се исплати, сватив дека неможам на пазарот да понудам нешто што немам, а особено сватив дека ако нудам нешто што можат многумина да го понудат, не можам да очекувам да бидам високо вреднуван. Сватив дека ако се фокусираш на успехот, успехот ќе се фокусира на тебе! Разбрав дека формалното образование ќе ми овозможи живеачка, но неформалното образование ќе ми овозможи богатство. Разбрав дека не треба да одам по истапкана патека по која сите одат, таму нема да растам и напредувам. Отидов таму каде што очекувањата за моите лични вештини и компетенции се големи. Сватив дека ако се фокусираш на успехот, успехот ќе се фокусира на тебе! Учејќи од најуспешните во светот, ги зголемив своите цели, размислував за глобални бизниси, престана да ме интересира се што е локално. Градење на најголемиот виртуелен шопинг центар во светот Познавајќи го маркетингот, знаев дека продажбата е најплатен сегмент од бизнисот и се фокусирав во тој сегмент. Штом е најплатено, значи дека е тоа најголем проблем на компаниите, инаку не би била продажбата најплатен дел. Така дојдов до заклучок дека кога би можеле да го пренасочиме прометот на конзументите со загарантиран бенефит и додатни мотивации за нив, трговците со задоволство ќе ни исплаќаат провизии. Конзументите и така и така трошат. Тие не треба да прават ништо ново, туку сега би ги мотивирале тоа што и така го прават, тоа да го сторат кај нашите трговски партнери. ... кога би можеле да го пренасочиме прометот на конзументите со загарантиран бенефит и додатни мотивации за нив, трговците со задоволство ќе ни исплаќаат провизии. Новата софтверска технологија ни овозможуваше тоа да го следиме, и благодарение на краудфандингот, ни се приклучија илјадници луѓе кои ја препознаа визијата и заедно го градиме најголемиот виртуелен шопинг центар во светот, каде од сите светски парични текови, бидејќи ние ги пренасочуваме, трговците откога ќе наплатат, ни исплаќаат провизии. Сите кои се во системот добиваат. Конзументите штедат, а трговците добиваат поголем промет. Тие преку дисинтермедијацијата наместо парите за реклама да ги дадат однапред на медиумите, сега ги враќаат кон крајниот потрошувач. Денес Денес, после неколку години, приказната се развива понатаму сама од себе, во моментов во 47 земји, а во иднина насекаде! ... во моментов (сме) во 47 земји, а во иднина насекаде! Денес е пак 08.08, но сега 2018, Тогаш имав сосема мали амбиции за опстанок. Целта ми беше да не сум во криза. Денес опстанокот не ме засега, бидејќи сум во сферата на успех, но се стремам кон значајност. Ако јас можев, секој може. Внимавајте кого слушате, видете што ве исполнува, дознајте кој е веќе успешен во тоа што вас ве исполнува и учете од него, а не од секого! Бизнис совет(и) Не е важно што ви се случило во животот, единствено важно е што вие ќе сторите во врска со тоа. Мора да се научите како да се ослободите од минатото, за да продолжите да растете. Многу луѓе не работат на остварување на своите соништа бидејќи им дозволуваат на искуствата од минатото да им ги детерминираат можностите. Тоа што ви се случило во минатото не е одраз на вашите можности, тоа е само одраз на вашата свест. Мора да се научите како да се ослободите од минатото, за да продолжите да растете. Иднината е неограничена во овој момент за вас. Никој нема поим колку вие можете во животот, дури ни вие самите! Ние имаме моќ да си го смениме правецот во кој нашиот живот се движи, со менување на нашите мисли, со избегнување на сите негативни луѓе од нас, без обзир колку и значајни тие луѓе да ни се чинат во овој момент за нас! Ако не сте спремни да ризикувате, нема да растете, ако не растете, нема да го извадете најдоброто од себе, ако не го извадете најдоброто од себе, нема да сте среќни, ако не сте среќни, што друго ви останува во животот!? ... ако не растете, нема да го извадете најдоброто од себе ... Лудило е да ги мразиме сите рози затоа што сме се боцнале од еден розин трн, да се откажеме од сите наши сништа, затоа што еден не ни се остварил. Да изгубиме верба во молитвите затоа што една не ни е исслушана. Да ги осудиме сите пријателства, бидејќи еден не предал. Да не веруваме во љубовта ако некој не ни ја возвратил или не изневериле. Да се откажеме од нашите шанси бидејќи една не сме реализирале. Влезете во животот полни со оптимизам и НИКОГАШ не се откажувајте. Влезете во животот полни со оптимизам и НИКОГАШ не се откажувајте. Големината на луѓето се мери според големината на проблемите кои успеале да ги кутнат. Големите луѓе имаат големи мисии, а големите мисии се предусловени со големи искушенија! Зоран Витанов Instagram: zoran.vitanov Facebook: Zoran Vitanov www.lyconet.com ✅✅✅ Пријави бизнис приказна и совет на линкот тука ... ✅✅✅ #МојатаРабота #БизнисСовет

Пробната (бета) верзија за конверзија на кирилични фонтови во текст со македонската поддршка е изработена и е спремна за тестирање. Следејќи го концептот за Word, конверторот се вика ЛС КонвертМак за Microsoft Excel. Ве молиме вашите сознанија, сугестии и грешки да ги пријавите со коментар на оваа страница. Ќе биде корисно ако овој пост го споделите на ваши соработници и пријатели за да може да се истестира што е можно подобро. За неколку денови ќе го „затвориме“ развојот на конверторот и затоа е добро да се добие што е можно покорисен фидбек за да го подобриме конверторот за Excel. Конверторот може да се преземе на страницата за споделување на фајлови - алатки на Логин Системи. Во очекување на вашиот фидбек, ви благодариме! ❤️ #LSKonvertMak #ЛСКонвертМак #excel