Ова е една од главните новини на неодамна одржаната конференција Directions EMEA во Мадрид.

Marko Perisic, директор на Microsoft Dynamics 365

Од наредната пролет 2018та, Microsoft Dynamics NAV ќе биде дел од брендот Dynamics 365. Кон крајот на оваа година се очекува нова верзија Dynamics NAV 2018 за да напролет излезе Dynamics NAV 2018 R2 (Release 2). Преминот на Dynamics NAV кон семејството Dynamics 365 ќе се случи со проектот под кодно име Dynamics 365 'Tenerife'.

На конференцијата во Мадрид, Microsoft го покажа и новиот интерфејс на Tenerife кој изгледа беспрекорен, свеж и модерен.

Новиот изглед на Dynamics 365 Tenerife

Подолу се главните пораки и вести од Directions:

• Развојот на Dynamics 365 for Finance and Operations, Business edition е стопиран

• Поделбата меѓу едицијата Business и Enterprise е прекината

• Се воведува Dynamics 365 со привремен назив 'Tenerife' како еден производ со две опции за имплементација, две стратегии Go-to-market и три производни комбинации.

• Dynamics 365 Tenerife ќе излезе на 14 јазици меѓу кои не е македонскиот или албанскиот јазик

Што би значеле овие новини за корисниците и потенцијалните заинтересирани за ЕРП решенија?

Како што пишувавме претходно, основата на Dynamics 365 Business Edition е програмскиот код на Dynamics NAV - повеќе има во написот "Dynamics NAV или Dynamics 365?". Логин Системи е насочен на тоа да прави надградби на своите корисници на редовна основа така што ќе можат да се користат сите предности од новите технологии и апликации.

Македонските корисници може да продолжат да го користат постоечката верзија. Заинтересираните за нов ERP систем може да почнат со постоечката верзија и да направат надградба заедно со другите корисници кога верзијата ќе биде прилагодена за македонските прописи.

Directions EMEA е најголемата годишна конференција за партнери на Microsoft Dynamics. Оваа година беше јубилејна, десетгодишна, со рекорден број на од 2160 учесници - 600 организации од 60 земји во светот.

---

Microsoft Dynamics NAV е најкомплетниот интегриран систем што се нуди во Македонија. Тој е најпопуларниот ERP за мали и средни фирми во светот - 100.000 организации работат со NAV. Целосна листа на македонска локализација и надополнувања има тука.

Логин Системи е овластен партнер и имплементатор на решенија и услуги базирани на Microsoft Dynamics NAV од 2002ра година до денес.

#DynamicsNAV #MK #PR