Логин Системи ја изработи функционалноста за автоматско преземање на курсевите од Народната банка на Македонија како дел од активностите на Логин Системи за подобрување на Business Central за македонските корисници. Оваа функционалност работи на верзијата Business Central 2024 wave 1 (уште позната како Business Central 24) според најновиот метод што го нуди Народната банка (www.nbrm.mk).

Како што е познато, при секоја трансакција со странски купувач, добавувач или банка, Business Central пребарува да најде кој е девизниот курс за да може транскацијата да се заведе во главната книга во локална валута, денари. Ако не се внесуваат редовно девизните курсеви, Business Central ќе го земе курсот што е најблиску до датумот на трансакцијата. Затоа е важно девизните курсеви да се забележуваат во Business Central на редовна основа, секој ден. 

Листа на валути во Business Central

Наместо како досега да се внесуваат девизните курсеви рачно, корисниците на Business Central ќе може да ги ажурираат девизните курсеви автоматски или полуавтоматски директно од веб сервисот на Народната банка.

• Автоматско преземање се прави кога ќе се подеси процедурата да се стартува секој ден наутро. Во такви случаи, самиот Business Central се обраќа до Народна банка и ги презема девизните курсеви.
  

• Полуавтоматско преземање е кога ќе се стартува командата „ажурирај курсеви“ што се наоѓа во листата на валути во Business Central.    

Корисникот може да внесува произволен број на валути со кои работи, а ќе се ажурираат девизните курсеви само на оние валути кои Народната банка ги ажурира во својот веб сервис.

Функционалноста за автоматско преземање на девизни курсеви е дел од македонската локализација на Business Central изработена од Логин Системи.

Повеќе за локализацијата има на https://www.loginsystems.biz/lokalizacija-nadopolnuvanja-mk.