Резултати од пребарување

Висината на надоместокот на плата за време на привремена спреченост за работа ја определува работодавачот, односно Фондот за здравствено осигурување со општ акт, но најмалку во висина од 70% од основицата за надоместокот на плата (член 17 од Закон за здравствено осигуривање - ЗЗО). Со ЗЗО утврден е исклучок кога висината на надоместокот на плата за време на привремената спреченост за работа предизвикана со повреда на работа, професионална болест, за време на давање крв, ткиво или орган, како и за време на отсуство поради бременост, раѓање и мајчинство е утврдено да изнесува 100% од основицата на надоместокот на плата утврдена според член 16 на ЗЗО. Максималниот износ на надоместок на плата согласно член 17 од ЗЗО, изнесува четири просечни месечни плати исплатени во Републиката во претходната година. ЗРО не го определува минималниот износ на надоместокот на плата поради боледување, но тој е утврден со општите колективни договори. Приватен сектор Имено, согласно член 31 од Општиот колективен договор за приватниот сектор од областа на стопанството (“Службен весник на РМ“ бр.150/12, 189/13, 119/15 и 150/16, во натамошниот текст: ОКДС), надоместокот на плата за време на отсуство од работа поради болест или повреда, изнесува: до 15 дена спреченост за работа, 70% од основицата; над 15 дена спреченост за работа, 90% од основицата. Јавен сектор Согласно Општиот Колективен договор за јавниот сектор на Република Македонија („Службен весник на РМ” бр. 10/08 и 85/09, во натамошниот текст: ОКДЈ) надоместокот на плата за време на отсуство од работа поради боледување изнесува: до 7 дена спреченост за работа, 70% од основицата; до 15 дена спреченост за работа, 80% од основицата; над 15 дена спреченост за работа, 90% од основицата. Напомена: основица за исплата на надоместокот на плата согласно член 28 од ОКДС, како што е погоре наведено, е просечната плата на работникот од последните 12 месеци, доколку со закон поинаку не е определено, а согласно ОКДЈ е исплатената плата на работникот во последните три месеци. Извор: МСФИ www.msfi.com.mk #сметководство #плата

Калкулаторот пресметува плата од нето во бруто и од бруто во нето плата заедно со пресметките на сите придонеси и даноци за 2024 година. Дополнително, со калкулаторот може да се пресмета минатиот трудот, исто така наречен како стаж, и работниот ангажман во тековниот месец. Покрај најновата 2024 година, може да се избере 2023 или 2022ра година и да се пресмета платата со коефциентите што важеле во тој месец и таа година. Калкулатор за бруто - нето плата за 2024 година(https://www.loginsystems.biz/presmetaj-plata) Калкулатор за бруто - нето плата за 2024 година, со сите придонеси, стаж и работен ангажман во месец #plata #kalkulator #калкулатор #плата

Управата за јавни приходи информира дека врз основа на Законот за придонеси од задолжително социјално осигурување, стапките по кои се пресметуваат и плаќаат придонесите од задолжително социјално осигурување почнувајќи со исплата на платата за месец Јануари 2025 се следните: • Задолжително пензиско и инвалидско осигурување - 18,8% • Задолжително здравствено осигурување - 7,5% • Дополнителен придонес за здравствено осигурување за случај на повреда на работа и професионално заболувње - 0,5% • Задолжителен придонес за осигурување во случај на невработеност - 1,2% Даночно намалување Почнувајќи со исплата на платата за месец Јануари 2025 година, ќе се применува даночно намалување во следниот износ: • Даночното намалување при годишно пресметување на данокот на личен доход во износ од 123.240,00 денари. • Даночното намалување при исплата на данок на личен доход од работа по основна плата, надоместоци на плата и пензија, на месечно ниво во износ од 10.270,00 денари (повеќе на http://www.ujp.gov.mk/mk/plakjanje/licno_osloboduvanje). Нова верзија на клиентскиот софтвер МПИН За да може да се пресметуваат платите од јануари 2025, задолжително треба да се преземе новата верзија на клиентскиот софтвер (линк http://www.ujp.gov.mk/mk/obrasci/opis/81). Софтверот може да се данлодира од линкот подолу. Извор УЈП: http://www.ujp.gov.mk/mk/javnost/soopstenija/pogledni/1082 #плата #брутоплата УЈП: Пресметка на плата 2025

УЈП: Бруто плата за 2024 - најниска и највисока основица за пресметка на придонеси Управата за јавни приходи известува дека просечната бруто плата по работник во Македонија, според податоците на Државниот завод за статистика објавени во Јануари 2024 година изнесува 57.609 денари (линк кон Државен завод за статистика: https://www.stat.gov.mk/PrikaziSoopstenie.aspx?rbrtxt=41)(https://www.stat.gov.mk/PrikaziSoopstenie.aspx?rbrtxt=41). Просечната бруто плата се користи за утврдување на најниската и највисоката основица за пресметка на придонесите од задолжително социјално осигурување и тоа за пресметките за плата кои се однесуваат за период од месец Јануари до месец Декември 2024 година. • Најниската основица за пресметка на придонесите за 2024 година изнесува 28.804,00 денари (50% од 57.609.00) • Највисока основица за пресметка на придонесите за 2024 година за примањата од работен однос и за примања на извршен член на одбор на директори, член на управен одбор, односно управител во трговско друштво изнесува 921.744,00 денари (16 x 57.609,00) • Највисока основица за пресметка на придонесите за 2024 година за самовработено лице изнесува 691.308,00 денари (12 x 57.609,00) Обврзниците треба да ја преземат новата верзија на клиентскиот софтвер - МПИН (http://ujp.gov.mk/mk/obrasci/opis/81)која го содржи новиот параметар. Клиентскиот софтвер може да се преземе и од оваа страница, кликнете подолу. Извор: Управа за јавни приходи(http://www.ujp.gov.mk/mk/javnost/soopstenija/pogledni/993) Корисни линкови и алатка за пресметка на плата 💡 За да се подготви МПИН за јануари 2024, потребно е да се симне најновата верзија на апликацијата од УЈП - линк(http://www.ujp.gov.mk/mk/obrasci/opis/81). 💡 Преглед на придонеси и параметри/износи по месеци може да се видат на страницата Коефициенти за плата по месеци и години(https://www.loginsystems.biz/plati) 💡 За пресметка на плати, може да се користи Веб калкулаторот за плата на https://www.loginsystems.biz/presmetaj-plata(https://www.loginsystems.biz/presmetaj-plata)  #плата (https://www.loginsystems.biz/forum/search/~num~%D0%BF%D0%BB%D0%B0%D1%82%D0%B0)#УЈП (https://www.loginsystems.biz/forum/search/~num~%D0%A3%D0%88%D0%9F)#плати(https://www.loginsystems.biz/forum/search/~num~%D0%BF%D0%BB%D0%B0%D1%82%D0%B8)

Кога се подготвува платата, задолжително се пополнува една од шифрите на вид на обврска (некои го нарекуваат и вид на облигација) по основ на придонеси и персонален данок кои се однесуваат на пресметана плата или надоместок: 100 - дел од плата, придонеси и персонален данок; 333 - конечна пресметка за соодветен месец кога претходно има доставено пресметка за дел од плата; 101 - плата, придонеси и персонален данок за соодветен месец; 102 - разлика на плата, придонеси и персонален данок по годишна пресметка; 103 - разлика на плата, придонеси и персонален данок или исправка на податоци за претходни месеци (кои не се однесуваат за периоди пред 31.12.2008); 108 - плата, придонеси и персонален данок од извршена контрола од страна на Управата за јавни приходи 109 - плата, придонеси и персонален данок по судска пресуда или судска спогодба; 222 - придонес за лица вон работен однос, осигурани во случај на настанување на инвалидност и телесно оштетување. 406 - придонес за обврзници кои имаат обврска за плаќање само придонес за здравствано осигурување; Видовите се применуваат 01.01.2009 година. #плати #сметководство Корисни линкови за плата: Плати и хонорари - Business Central Точна и навремена пресметка на плати Функционалности за плати и примања Прегледај ги функционалностите и види како може да се искористат во твоето работење Плати ... УЈП: Бруто плата 2021 - најниска и највисока основица за пресметување на придонеси Управата за јавни приходи информира дека просечната плата по работник во Република Северна Македонија Просечната плата се користи за утврдување на најниската и највисоката основица за ... Бесплатниот веб калкулатор за плата е дополнет со коефициенти за 2021 година Логин Системи објавува дека го дополни бесплатниот веб калкулатор за плата со параметри и коефициенти ЛС Веб Плата, апликацијата на Логин Системи за бесплатна пресметка на плата, може да се пресметува од бруто плата во нето плата и обратно, да се става години од работен стаж (минат труд) ...

Економско-правното биро ФВ Консалтинг со електронска порака до своите корисници испрати информација за платите во јули 2022 година. Во делот на надоместоците на трошоци за вработени во приватниот сектор, а согласно соопштението од Државниот Завод за Статистика, ДЗС, бр. 4.1.22.66 и 4.1.22.67 од 22.07.2022 година, граничните износи за регресот за годишен одмор се: 🔶 Минималниот нето износ на регресот за годишен одмор (К15) изнесува 12.535 денари. 🔶 Максималниот износ на регресот (К15) изнесува 33.820 денари. (види табела подолу) *1 минимален износ ОКДПСС, *2 максимален износ според Законот за данок од добивка, * Општ колективен договор за приватниот сектор од областа на стопанството (ОКДПСС) Ова значи дека компаниите може да пресметуваат поголем износ на регрес за годишен одмор со плаќање само на персонален данок (данок на личен доход) од досегашните минимални (види за 2021). За бруто износ на регрес поголем од 37.578 денари, компанијата треба да плати и данок од добивка. Пример: за бруто износ од 30.000 денари, државата издвојува 10% персонален данок во износ од 3.000 денари, а нетото за вработениот е 27.000 денари. Извор: ФВ Консалтинг Корисни линкови и пресметки 💡 Пресметка на регрес се прави на линкот на Управата за јавни приходи https://e-pdd.ujp.gov.mk/. 💡 За преглед на придонеси и параметри/износи по месеци може да се видат на страницата Коефициенти за плата по месеци и години 💡 За пресметка на плати, може да се користи Веб калкулаторот за плата на https://www.loginsystems.biz/presmetaj-plata #плата #plata #2022 #регрес #regres #K15 #К15

Споделуваме информација од наш член кој ни потврди дека со картичка од Халк банка успешно е креирана бизнис сметка за наплата на производи и услуги преку Пејпал. Според нашите сознанија од форумот, поддржани картички за бизнис сметка на Пејпал се следните банки: НЛБ банка Комерцијална банка Стопанска банка Халк банка При тоа, важно е да се напомене дека само ВИСА картичките се оспособени за наплата преку Пејпал. Повеќе за читање: Линкови за креирање на Пејпал сметки: https://www.loginsystems.biz/forum/platezhni-uslugi-paypal-i-ost/najbrzo-shto-mozhe-do-priem-na-pari-od-proizvodi-i-uslugi-preku-pejpal Ако имате искуства со други платежни картички, ве молиме да споделите тука во коментар или да креирате нов пост тука. 🙏🙏🙏 Да помогнеме на сите заинтересирани. Ви благодариме. #paypal #пејпал