Резултати од пребарување

Дамнешна желба ми беше да има секојдневно медиумско претставување на бизнисите во Македонија. Пред десетина години зборував со неколку медиуми - ТВ, весници и магазини. Да не биде класика од интервјуа туку секојдневни блиц изјави на поголеми и помали бизнисмени за економијата. Да биде нешто како пандан на временската прогноза: дневен и неделен економски барометар и бизнис прогноза. Куси и прецизни изјави, и совети за подобрувања ... Нешто така ми се вртеше во главата ... Одговорот на тогашните медиуми им беше: а бе знаеш, тоа маркетинг е. Одговорот на тогашните медиуми им беше: а бе знаеш, тоа маркетинг е. "Зошто да ги рекламираме" и "Ќе се побунат тие што плаќаат реклами" и слични изговори. Не ја сфаќаа општествената димензија, не сфаќаа до крај дека треба жабокречината да се разбуричка ... Не сфаќаа дека гледаноста и атрактивноста на медиумот ја зголемуваат. Некои бизнисмени ако увидат дека има резултати, сами ќе се понудеа за реклами ... (бизнисмените) да поттикнуваат и други на успеси. Битно е бизнисмените и професионалците да бидат присутни во медиумите и да поттикнуваат и други на успеси. Џабе, не успеав тогаш ... Матрицата на тогашните медиуми беше: ред вести, ред ефтини серии, реклами од сопствени бизниси или евентуално од ним-блиски бизниси ... За нив нешто бесплатно беше ерес, освен евентуално на партиите да ги почастат ... Целта ми е секој работен ден да има по една бизнис приказна. Среќа технологиите се сменија, навиките за конзумирање на информации се сменија. Ете ме мене во сопствена реализација на мојата желба, а и визија за македонската економија. Ете ме мене во сопствена реализација на мојата желба ... Целта ми е секој работен ден да има по една бизнис приказна. Да учиме од нашите прекалени борци во македонската економија ... Слободно предложете им на вашите пријатели, роднини, вие самите, да се вклучите со бизнис приказна. Или прочитајте на www.loginsystems.biz/biznis-forum. Бизнис совет: Во своите деловни активности секогаш да издвојувате време за општествено полезна активност. Не е се' во профитот. Да вратиме назад во средината во која живееме и работиме и да оставиме подобри услови на другите генерации. Во своите деловни активности секогаш да издвојувате време за општествено полезна активност. Како што кажува Стивен Кови, за баланс во животот, секој човек е потребно да има избалансирани 4 L - to Live (да се живее), to Love (да се сака), to Learn (да се учи) и to Leave a legacy (да се остави зад себе). Дисбалансот на овие 4 ел, според Кови, ве води кон болести. Венко Глигоров Facebook: Венко Глигоров Instagram: venkogligoroff Профил на форумот: Venko Gligorov За Логин Системи Логин Системи е софтверска и услужна компанија која планира и поставува сметководствени и деловни решенија во мали и средни организации базирани на Microsoft Dynamics NAV (Microsoft Dynamics 365 Business Central). Веб: www.loginsystems.biz Ја очекуваме твојата бизнис приказна и бизнис совет на адресата www.LoginSystems.biz/biznis-prikazna #МојатаРабота #БизнисСовет #БизнисПриказна #Стратегија #Менаџмент #ERP

Ситуацијата со коронавирусот (COVID-19) го смени начинот на работа на компаниите. Повеќето вработени работат од дома. Некои работа со дежурства. Некои фирми имаат надворешни сметководствени бироа кои им даваат услуги на фирмите. Законските прописи за платата наложуваат работодавачот да доставува исплатни листови за плата на секој вработен. Доставата може да биде лично со хартиен документ но и преку е-пошта ако на тоа се согласат вработените. Со оглед на тоа што секој вработен мора да има адреса за електронска пошта заради персоналниот данок, тогаш програмите на плата може да испраќаат електронски пораки со исплатен лист прикачен како PDF до вработените. Microsoft Dynamics NAV / 365 Business Central има таква опција за праќање по електронска пошта на исплатните листови. Секој вработен добива посебен емаил со исплатен лист. Со тоа се решава проблемот за лична достава на исплатниот лист. Погледни на видеото подолу како изледа исплатниот лист на вработен за плата. Прочитајте како „Мекиците од Стража“ ја пресметуваат и ја испраќаат платата тука. Повеќе видео содржини за платата има на адресата www.erp.mk/video. Корисни линкови Бесплатна пресметка на плата на веб Коефициенти за плата по месеци и години #коронавирус #плата #ЕРП

Dynamics NAV 2017 нуди алатка и функции за брза изработка и испраќање на потсетници за плаќање на еден или повеќе купувачи. Постапката за изготовка и испраќање на еден потсетник е опишана подолу. 1) Од менито Продажби се избира алатката Потсетници и потоа се кликнува на копчето за нов потсетник New. 2) Во картичката на новиот потсетник се внесуваат податоци за купувачот. На пример, со ставање на шифра 20000 се појавува фирма Селангориан и автоматски се пополнуваат соодветните податоци. 3) Со кликнување на копчето „Предложи линии за потсетник“, се пополнуваат линиите од потсетникот со фактурите кои не се платени. Постојат опции да се стават линии и за доспеани или за сите неплатени фактури - како на сликата подолу. Откако ќе се пополнат линиите во потсетникот, може да се ажурира нивната содржина со дополнителен текст, да се избрише некоја линија и слично. 4) Потоа се врши издавање на потсетникот со помош на копчето во рибонот најгоре од страницата. При изведбата на оваа операција, потсетникот може да се печати или да се испрати на емаил. Ако се избере опцијата за прекање по е-пошта, тогаш се задаваат податоци за примачот на пораката. Dynamics NAV може да испрати директно порака, а корисникот може да избере и да ја ажурира пораката во Outlook и потоа од таму да ја прати. 5) Кога се праќа пораката со себе носи и прикачен документ во ПДФ кој има излглед како на сликата подолу. Ова беше еден од начините за креирање и испраќање на потсетници. Во Dynamics NAV може да се креираат оддеднаш потсетници за сите должници. Исто така во Dynamics NAV може да одредите дали ќе се става дополнителен надоместок за изработката или нема да се прави тоа. Потсетниците се прават на јазик кој е одреден во картичката на купувачот. Ако имате купувачи од странство, потсетникот се праќа на англиски јазик. Алтернативно, може да се прати на германски или шпански јазик ако во Dynamics NAV се инсталирани овие јазици и подесени за работа со копијата од NAV која се користи од самата фирма. Ако имате прашања или сакате да коментирате за постот, добредојдени сте!

Со видео сесијата се покажува како се користат скенирани дојдовни документи. Обично овие дојдовни документи се прикачуваат на набавни фактури или на налог за книжење на набавки. Исто така може да се прикачат и на продажни документи - на пример, договори, порачки, спецификации и слично. Откако ќе се внесат во систем и се прикачат на одредени трансакции, дојдовните документи се на располагање за преглед со кликнување на нивниот линк кој се прикажува на десната страна во самата рамка за факти (анг. incoming documents fact-box).

Во објавата Како-да: Проверка дали е до картичката, до банката или до акаунтот Пејпал (заедно со земјата) има детални појаснувања за проверка на евентуалните проблеми со картичката за прием на пари. Кај некои корисници има проблем со картичката иако ги „одат“ сите чекори од објавата погоре. Најчесто се случува картичката да нема доделен лимит за да може Пејпал привремено да повлече некоја мала сума за да утврди дека се работи за активна картичка. Самата картичка може да има средства, но да нема лимит. Ова решение е објаснето од @Nikola Nikovski. Тој препорачува да се обратите во банката на телефонот за поддршка за да може да доделат лимит на картичката. Повеќе на линкот. #NLB #VISA #лимит

@Mitko Peroski споделува информација дека успеал да прими пари преку Пејпал на својата картичка ВИСА издадена од Комерцијална банка Скопје. Претходно работел со VISA од НЛБ Банка. Повеќе инфо тука. Ве молиме да го споделите вашето искуство со прием на пари преку Пејпал во коментар на оваа објава или креирајте нов пост на https://www.loginsystems.biz/forum/platezhni-sistemi-paypal/create-post. Добро е да им помогнеме на сите лица кои имаат потреба од наплата на своите производи и услуги, а сеуште немаат доволно информации. Ако нешто не ви е јасно, поставете прашање на линкот https://www.loginsystems.biz/forum/platezhni-sistemi-paypal/create-question. Корисен линк: Одговори на некои често поставувани прашања за Пејпал за Македонија - јануари 2021 #paypal #споделиискуство

На фирмите и организациите им се потребни подетални и пософистицирани извештаи и анализи. Современото деловно работење не може да се потпира само на износите на синтетските конта во сметководството, продажбата кон купувачите и набавките од добавувачите.  Затоа сметководителите и фирмите воведуваат дополнителни субаналитички конта. Но наместо да се подобри анализата, најчесто се усложнува работењето, а бројните конта може да доведат до збунувачки и нецелосни информации/извештаи. Затоа се користат критериуми. Критериум (или димензија) е податок кој се додава на одредена трансакција/ставка како маркер со што програмот потоа може да ги групира ставките со слични карактеристики и лесно да ги извлекува овие групи за подетални анализи.  На наредната слика има пример од главна книга заедно со книжени ставки. Како што може да се види, се користи обично конто 74010 за приходи. Каде е тогаш аналитиката? Ако се работи по старо, контото треба да содржи информација за географија, тип на производ или кој ја извршил продажбата. Наместо такво книжење, со употреба на критериуми, дополнителните информации се закачени на секоја ставка и се на располагање за преглед со клик на глувчето или комбинација на типки од тастатурата. Во нашиот случај, ако избереме една ставка со конто за приходи - 74010, покрај износот и бројот на документот, може да се видат и дополнителни информации како што се регион, тип на бизнис, група на купувач, кој е продавачот и тип на документ кој е потребен за групирање во налозите за книжење. Типични критериуми може да бидат, а нивниот број не е ограничен само на: Деловна единица: администрација, продажба и маркетинг, магацин, човечки ресурси, останато Проекти: проект 1, проект 2, проект 3, ... Група на корисници: мали фирми, поединци, државни институции Продажни канали: директна продажба, продавници, веб сајт и социјални мрежи, телепродажба Продажни тимови: тим за Македонија, тим за Европа, тим за останати земји Производни групи: мебел, окови, широка потрошувачка Кампањи: Кампања Лето 2017, Кампања Есен 2017, ... Предноста во употреба на критериумите е во тоа што не се обременува контниот план со конта според географски области или групи на производи. Со помош на критериумите во Dynamics NAV, менаџментот и одговорните во сметководството може да одредат произволен број на критериуми кои при книжење ќе се закачуваат на трансакциите, а со тоа и на ставките во главната книга и другите помошни книги. Во моментот кога ќе се книжи документот, Dynamics NAV ги чува и овие податоци за критериуми и тие може да се користат како филтри во извештаите или за збирни износи според тие критериуми. Повеќе на оваа тема има во блогот тука...

Кога се книжи трансакција, Dynamics NAV става износ во контото на Должи или побарува во зависност од износот - ако е позитивен, се пополнува Должи, ако е негативен се пополнува Побарува. Ваквата пракса е добра ако трансакциите не се корекција на некоја друга трансакција или документ. Ако има сторно на трансакција, наместо со минус на истата страна од оргиналната трансакција, Dynamics NAV повторно ја одбира страната Должи или Побарува спрема износот дали е позитивен или негативен. Прописите во Македонија наложуваат контата на класата 4 да не смеат да имаат износи во колоната Побарува освен при затворање на годината. Слични ограничувања има и кај контата во класата 7 – едните групи можат да примаат износи само во колоната Должи, а другите само во колоната Побарува. Логин Системи постави нова опција кадешто може контата да имаат ограничувања во кои колони може да примаат износи, односно на самата картичка на контото да се означи дали износите прокнижени на тоа конто ќе одат само во Должи, Побарува или на двете страни. На сликата погоре е прикажано дека контото 403316 може да има вредности само на дебит страната. На сликата подолу е дадена трансакција на сторно за потрошено гориво во износ на 500 денари и како се заведени во Главната книга. Ако не беше поставено контото да прима само дебит износи, тогаш книжењето на сторно трансакцијата во Главната книга ќе имаше изглед како на сликата подолу. Со поставувањето на опцијата на Логин Системи се задоволуваат барањата на сметководителите за црвено сторно и тие може да одредуваат самостојно на која страна (колона) ќе се ставаат износите од книжењата.

Во “Службен весник на РСМ” бр. 263/23 од 12 декември 2023 година е објавено даночното намалување (лично ослободување) за 2024 година врз основа на данокот на личен доход, односно по основ на доход од работа од плата, надоместоци на плата и пензија. Почнувајќи од јануарската плата во 2024 година, даночното намалување изнесува: 1. Даночното намалување утврдено во член 10 став (2) од Законот за данокот на личен доход, за 2024 година на годишно ниво, изнесува 114.480,00 денари. 2. Даночното намалување по основ на доход од работа од плата, надоместоци на плата и пензија, месечно се утврдува во износ од 9.540,00 денари, согласно со член 17 став (2) од Законот за данокот на личен доход. Даночното намалување ќе се користи со исплатата на платата почнувајќи од месецот јануари 2024 година. Месечното даночно ослободување за 2024 изнесува 9.540 денари. Даночно намалување (лично ослободување) за плати за 2024 година Корисни линкови и пресметка на плати 💡 За да се подготви МПИН за јануари 2024, потребно е да се симне најновата верзија на апликацијата од УЈП - линк(http://www.ujp.gov.mk/mk/obrasci/opis/81). 💡 Преглед на придонеси и параметри/износи по месеци може да се видат на страницата Коефициенти за плата по месеци и години(https://www.loginsystems.biz/plati) 💡 За пресметка на плати, може да се користи Веб калкулаторот за плата на https://www.loginsystems.biz/presmetaj-plata(https://www.loginsystems.biz/presmetaj-plata) #плата #УЈП #плати

Зошто само IQ не е доволен за постигнување на успех во бизнисот ? Со години луѓето го мерат својот коефициент на интелигенција т.н IQ (ај-кју), за да добијат доказ за тоа колку се “паметни”. Во некои општествени кругови, сметаат дека висок коефициент на интелигенција значи престиж и моќ. Имајќи го во предвид фактот дека коефициентот на интелигенција претставува способност на човекот да размислува и логички да резонира во исто време,  да се има висок коефициент на интелигенција би значело дека некој е многу паметен. Но, зошто тогаш луѓето со висок коефициент на интелигенција имаат имаат ментални и/или социјални проблеми?   Без разлика дали барате животен партнер или нов вработен за вашата фирма за да процените дали некој е комплетен како личност, освен IQ, потребно е да ги процените кај избраната личност: коефициент на емоционална интелигенција EQ и коефициентот на витална интелигенција  VQ.   Овие два нови индикатора се показатели на базични потенцијали кој личноста ги има, а кои дирекно влијаат врз начинот на кој личноста го живее животот, како работи, каков ентузијазам има, како комуницира, итн.  Од степенот на развиеност на овие два индикатори на некој начин можеме да го одредиме победничкиот, баналниот или губитнички став на личноста за себе, за животот, за работата или партнерите.   Значи, за да можете да бидете во хармонија со себе и со околината повеќе не е важно да имате висок IQ, туку да имате исто така висок EQ и VQ . Всушност како и се во животот, трикот е да создадете баланс на овие три “енергии”.    Што е коефициентот на витална интелигенција - VQ ?   За да разберете за што зборуваме овде, да го земеме примерот на нашиот организам кој е  систем во кој сите органи (срце, мозок, желудник, итн) заеднички работат  за да може да останете  живи.  Сепак иако сите ние ја имаме истата содржина во себе, тенденцијата за живот не е иста кај сите нас. Некои луѓе изгледаат како да имаат поголем апетот за животот, Нетрпеливи се, асертивни, динамични, превземаат ризик, понестабилни се од другите луѓе, итн. За овие луѓе велиме дека имаат висок степен на Витална интелигенција. Зошто? Бидејќи нашиот степен за витална  интелигенција е основен индикатор  на нашиот идентитет!  Тој ни го дефинира степенот со кој ние сме мотивирани да го негуваме нашиот животен план, тоа е тоа што не тера од внатре и не бутка да превземеме акција и делуваме потоа. Нашата Витална интелигенција е наш апетиот за живот ! Ако имаме ислучително низок VQ постојано ке се обидуваме да избегнеме  тешки ситуации, бидејки нема да имаме енергија да се соочиме со нив.  Од друга страна пак, низок VQ е важен бидејки ни обезбедува, базична контрола и трпение, особено кога се соочуваме со предизвици  и  тешкотии во животот.   Но  дали знаете дека виталната интелигенција се подига со редовно практикување на вежби за физичко и ментално здравје, еве на пример како што е јога-та.     Што е коефициент на емоционална интелигенција  EQ ?   Емоциите се манифестираат преку  комуникацијата. Обично комуникацијата ја разбираме како рационален процес, со што преку зборови се пренесува некој информација. Но, зошто тогаш  информациите се забораваат или погрешно се разбираат. Тоа е затоа што вербалната комуникација поминува низ нашите емоции или чувства. А нашите емоции се начин на кој ние ги информираме другите за напредокот во нашиот живот. Сите наши емоции укажуваат на различни апекти во нашиот живот а нашиот конефициент за емоционална интелигенција  го мери  целокупениот потенцијал да продолжиме да живееме независно дали сме успеале во тоа или не. Колку повеке имаме позитивен  ЕQ толку сме во подобро расположение и поголема е нашата шанса да преживееме и да се прошириме. ЕQ го покажува степенот на нашите емоции во сега и овде  моментот. Но да не заборавиме тие се променливи и во некое идно време сигурно ќе бидат различни. Е сега бидејки сопствените емоции ве известуваат за тоа на кое ниво сте со вашите животни цели, тие се рефлектираат на вашата работа и личниот живот. Така, се што ви се случува напредокот или падовите на личен план или работа, влијаат врз вашите емоции а со тоа создаваат нови. Свесно или несвесно луѓето ги манифестираат тие емоции каде и да се. Преку нив вие им кажувате на вашиот партнер, директор или пријател, како ви е во животот, дали добро или лошо. Токму поради ова емоциите се критичен чекор во комуникацијата. Оттука за да создадете баланс во својот живот и имате добра комуникација, може да ја зголемите својата ЕQ и VQ , на еден од следните начини: • Ако сте љубител на долги разговори и анализи, може да одите на настани каде што има размена на искуства и енергија со луѓе слични на вашите потреби како што се ретрити, групи за раст и развој, танцување.. итн) и ja зголемите вашата емотивна интелигенција EQ • Ако не сте љубител на зборување за своите емоции, споделување или дружење, постојат низа техники со кој може да се само анализирате и работите на зголемување на вашата витална интелигенција VQ. Јас би ја издвоила ЈОГАТА , бидејќи преку практикување на јога вежби може да ги видите сопствените емоции и да ги канализирате вашите потреби и зголемите вашата витална сила.. Оттука ви предлагам да се приклучите од овој ЈУНИ, на Утринските Јога ритуали кои ќе се одржуваат ОНЛАЈН во работни денови, наутро од 6.45 до 7,10 - Јога вежби и задачи за подобрување на вашето ментално здравје и интелигенција !    Емоциите и виталната енергија не смееме да ги игнорираме ни кај себе, ниту кај другите. Лицата на нашите сoговорници ни зборуваат, нивниот ентузијазам или отпор исто така, исто како што и ние им “зборуваме’ на нив, преку нашето лице и тело! Вештина да умеете да го “прочиташ” соговорникот некој ја имаат во себе несвесно развиено, додека други пак ја развиваат свесно преку личен раст и развој. Како и да е, се може да научите и променете во животот, само ако доволно многу сакате ! А Ако ви треба мотив и интспирација за тоа приклучете се моите утрински јога часови кои почнуваат на 3 Јуни 2024   Билјана Пешева www.healthylifeskills.mk Професионален обучувач за возрасни и јога инструктор вo Healthy YOGA

Во пресрет на крајот на годината, една од активностите поврзани со приходите на вработените е исплатата на регрес за годишен одмор. Модулот за плата на Логин Системи во Dynamics NAV овозможува пресметка и исплата на регрес и негово правилно вклучување во сите извештаи за плата под соодветните пропишани шифри. Пресметката на регрес се прави во еден чекор, преку пополнување на прозорецот за Пресметка на регрес, кој се наоѓа на следната позиција во менито за плата: Во прозорецот се пополнува: - месецот за кој се исплаќа регрес, - бројот на вработен (ако се дава регрес за сите вработени ова поле се остава празно), - се избира дали регресот ќе се дава само на активните вработени или и на другите, категории на вработени - се пополнува износот на регрес кој треба да се исплати, - се пополнува процентот на персонален данок. ! При ваквата пресметка, НАВ внесува шифра на исплата 3.2 (Дополнителни примања и надоместоци на трошоци од работен однос на кои не се платени придонеси) за овие трансакции, при што, при подготвување на годишната ПДД-ГИ пријава овие износи ги смесува во соодветните позиции од ПДД-ГИ извештајот во збирните и поединечните податоци. !! Вака пресметаните износи влегуваат и како посебна категорија во ПДД-ГДП, годишните потврди за плати и придонеси кои задолжително треба да им се издадат на вработените по завршување на фискалната година.

СИТЕ ПРЕЧКИ СЕ ЛЕКЦИИ. АКО СИ СПРЕМЕН ЗА РАЗВОЈ. Мојот бизнис е ПОМАГАЊЕ на луѓето и компаниите да се развиваат. Помагаме индивидуите да „СЕ РАЗБУДАТ“ и да ГО ЗЕМАТ ЖИВОТОТ ВО СВОИ РАЦЕ. Да почнат на себе да гледаат како да ЛУЃЕ СО ОГРОМЕН ПОТЕНЦИЈАЛ, да почнат ДА ГИ РЕШАВААТ ПРЕДИВИЦИТЕ со кои се соочуваат... наместо постојано да кукаат и се жалат колку животот е тежок, колку условите се тешки и државата не ја бива и колку другите се лоши луѓе. ... ти си тука ЗА ДА СЕ БОРИШ а НЕ ДА СЕ ЖАЛИШ. ... ти си тука ЗА ДА СЕ БОРИШ а НЕ ДА СЕ ЖАЛИШ. Да, тоа донекаде е така. Животот знае да биде тежок, условите не се идеални, државата не е најфунционална и не се сите луѓе добри. Но, ти си тука ЗА ДА СЕ БОРИШ а НЕ ДА СЕ ЖАЛИШ. Клучното прашање е: СПРЕМЕН ЛИ СИ ДА ГИ НАУЧИШ ЛЕКЦИИТЕ кои животот ти ги става ПРЕД НОС и без кои нема да можеш да мрднеш НИ МИЛИМЕТАР ПОНАТАМУ. Зошто, ИЛИ КУКАШ И УМИРАШ НА РАТИ или учиш и СЕ РАЗВИВАШ и секој следен ден СЕ „РАЃАШ“ ПОВТОРНО во нов и ПОСИЛЕН ЧОВЕК! Како дојдов до тоа да го работам томку ова? ✓ Прво бев член на просечно македонско семејство – таму научив дека НЕ Е БАШ ЛЕСНО ДА ЖИВЕЕШ СКРОМНО и без силна амбиција и решеност да бидеш господар на свој бизнис и ДА ГО УПРАВУВАШ СВОЈОТ ЖИВОТ. ✓ Потоа бев СПОРТИСТ. Во младоста бев одбојкар – таму научив КОЛКУ СЛАДОК ВКУС ИМА ПОБЕДАТА. Дека е прекрасно да играш во ускладен тим и да најдеш начин, преку фер борба ДА ГО НАДИГРАШ ПРОТИВНИКОТ И ДА БИДЕШ ПОБЕДНИК. ✓ Потоа станав ПИТОМЕЦ па АРМИСКИ ОФИЦЕР. Во војската научив што е РЕД, ДИСЦИПЛИНА, предностите и слабостите на ХИЕРАРХИЈАТА, што се ПРАВИЛА, ПРОЦЕДУРИ и што е придобивката ако тие се почитуваат. ✓ Потоа по службена должност го искусив воениот конфликт во 2001-та. Таму научив дека ЕДНО Е ТЕОРИЈА А ДРУГО Е ПРАКСА. Дека на терен личноста е поважна од теоретското знаење. Дека во реална ситуација мора да си стабилен, цврст, свој, итар, тактичен, тимски играч, коректен, храбар но претпазлив, решителен но мудар. ✓ Потоа почнав да вежбам јога и да учат други духовни техники. Зошто? Од љупобитство и желба да се себеистражам. Таму научив дека СЕ Е ВНАТРЕ! Дека клучно е да дознаеме како функционира нашата психа, нашиот ум, нашето тело, нашите емоции. Да сфатиме дека ПОТСВЕСНОТО Е ТОА КОЕ ГО УПРАВУВА ЧОВЕКОТ. Дека само со работа на себе, таму ВО ДЛАБОКОТО може да се промениме. ✓ Потоа имав среќа да следам тригодишна програма Тренинг за тренери спроведена од еден реномиран универзитет од Шведска. Таму научив што е едукација. Дека за вистинска едукација е потребна СЛОБОДА ученикот ДА ПОСТАВУВА ПРАШАЊА, да поминува низ СВОИ ИСКУСТВА, да прави анализа на својот живот и со тоа да ги поврзува материјалот кој се обработува, да поминува НИЗ КРИЗИ И ДА УЧИ ОД НИВ. Дека е возможна едукација низ слобода и личен избор. Таму научив да бидам тренер за лидерство и личен развој. ✓ Потоа запишав и завршив докторат во област на организациско однесување и лидерство. Таму научив дека ЛИДЕРСТВОТО Е КЛУЧОТ за успехот на една организација. Ама не автократското и наметливото туку тимското и спонтано лидерство. Лидерството во кое групата ТЕ ИЗБИРА и ТЕ СЛЕДИ. Таму исто научив дека на организацијата и требаат и лидерство но и менаџмент. Инспирација но и правила. Мотивирање но и јасни процедури. Двете ја прават организацијата ЦВРСТА и без можност да крахира. ✓ И на крај станав сопруг и татко. Тука ги научив НАЈВАЖНИТЕ ЛЕКЦИИ. Дека е едно е како треба а друго е КАКО МОЖЕ. Дека ПОЧИТУВАЊЕТО И ДОВЕРБАТА СЕ ПОВАЖНИ од бивањето во право. Дека РЕЛАЦИЈАТА и ВРСКАТА се поважни од докажувањето. Дека ЕМПАТИЈАТА е највисоката форма на комуникација. Дека најтешко е да примениш КОГА Е ТЕНЗИЧНО, БРЗО, БЕЗ ЈАСЕН ТЕК и кога другиот нема доволно свест (бидејќи и дете) а ти си уморен. Тогаш сфатив дека во тие ситуации треба НАЈРЕШИТЕНО и БЕЗ ОТКАЖУВАЊЕ, затоа што нели железото се кове само КОГА Е УСВИТЕНО И ЖЕШКО! И сето ова направи да се создаде СИМБИОТИКА и преку неа да го споделуваме нашето знаење и искуство и да им помагаме на илјадници индивидуите и на стотици организациите и да учиме едни од други. Малку се расприкажав а? 🙂 Извинете ама ми тргна 🙂 Бизнис совет(и) Ако не се откажавте до сега. Еве како награда ви ги споделувам моите бизнис совети. Ќе бидат по два совети од три области. Во склад со трите обуки кои од септември до крај на годината ќе ги реализираме во СИМБИОТИКА. Тема КОМУНИКАЦИСКИ ВЕШТИНИ и ТРАНСФОРМАЦИЈА НА КОНФЛИКТИ. Совет бр. 1 ЗБОРУВАЈ ПОМАЛКУ – СЛУШАЈ ПОВЕЌЕ И ПОСТАВУВАЈ ПРАШАЊА Долгите говоранции полни со „вака треба да правиме“ нема да донесат голем ефект. Бла бла обраќањата после првите 4-5 минути ќе направат луѓето да се „исклучат“. Кажи кратко и јасно. Што? Кој и до кога да го направи? Остави тие да ти предложат како да биде направено. Цело време слушај. Примај информации од луѓето на терен. Слушај го и тоа што го кажуваат но и тоа што не го кажуваат со зборовите туку со говорот на телото, со паравербалниот говор (начинот на кој зборуваат). Клучно поставувај прашања. Ако нешто не ти се допаѓа, наместо да кажеш „тоа е погрешно“ постави серија на отворени и затворени прашања преку кои вработениот сам ќе сфати дека тоа што го кажува е погрешно. Клучно е луѓето да ги научиме да мислам и сами да сфаќаат што е правилно а што погрешно а не ние да им кажуваме. Совет бр. 2 ТРАНСФОРМИРАЈТЕ ГИ КОНФЛИКТИТЕ – НЕ ГИ СТАВАЈТЕ ПОД ТЕПИХ Секое недоразбирање, расправија, различно мислење или конфликт кој нема да биде трансофмиран и ќе биде бутнат под тепих после одредено време ќе „засмрди“ и ќе ја труе организација. Создадете култура на отворено и конструктивно трансформирање на конфликтите во реалистични и продуктивни решенија. Така сите пречки ќе станат можности. Така вашиот тим ќе ги „меле“ предизвиците и ќе стане машина за нови, иновативни и конкуретни решенија. Тема ЕМОЦИОНАЛНА ИНТЕЛИГЕНЦИЈА Совет бр. 1 СЛЕДИ ГИ СВОИТЕ ЕМОЦИИ И НАЈДИ НАЧИН ДА ГИ ИЗРАЗУВАШ Да, ти си лидер и не ти е дозволено да покажуваш слабост во тешки ситуации. Но ти си и човек. Биди свесен дека со емоциите нема играчка. Ако ги игнорираш тие ќе продолжат да „работат“ и ќе избијат во облик на пад на мотивација, летаргија, депресија, гнев, анксиозност и сл. Најди си начин да ги изразуваш своите емоции (спорт, разговор со близок човек, најди со коуч, психолог...). Изразувањето на емоциите ќе го вентилира твојот внатрешен психички простор и ќе остави простот за нов ентузијазам, мотивација и среќа. Совет бр. 2. ВГРАДИ ЈА ЕМПАТИЈАТА ВО РЕЛАЦИЈАТА ПОМЕЃУ ВРАБОТЕНИТЕ И СО КЛИЕНТИТЕ Емпатијата е највисока форма на слушање и комуникација. Таа помага да ја видиме ситуација од „кондурите“ на другиот. Кога така ќе настапиме во давањето на задачите на новиот вработен (кој е уплашен), или во решавањето на конфликтот повеќу вработениот (кои се нервозни) или во продажбата и преговарањето со клиентите (кои сеуште немаат доверба во нас) или уште посложено во ституација на поплака од клиент (кој се осеќа изневерен и лут), ние ќе можеме да правиме чуда. Кога ќе научиме да ги препознаваме и трансформираме емоциите на другите тогаш сме станаме мајстори во меѓучовечките релации. Тема МЕНАЏМЕНТ НА ВРЕМЕ Совет бр. 1 Научи да кажен НЕ! Ако секоја секунда ти време 100 евра како ќе се однесуваш кон своето време? Научи да го штитиш своето време. Ти си на врвот. Сите сакат да те прашаат, да поразговараат со тебе, да им дадеш совет за да ја споделат одговорноста, да бидат во твоја близина поради можност да влијаат на одуликите. Научи да дефинираш вистински приоритети и љубезно да се извиниш и да не го расфрлаш своето време насекаде. Тоа е драгоцено. Совет бр. 2 Не заборавај дека покрај сите професионални и семејни улоги ти си и човек. Не се заборавај себе. Не можеш да истуриш ништо од празна чаша. Не се запоставувај себе и своите потреби за одмор, хоби, време со себе, лични задоволства. Грижата за себе е клучна за да продолжиш да бидеш добар менаџер, вработен, татко/мајка, сопруг/а, пријател... Однесувај се одговорно кон улогата човек. Закажи си состанок со себе во својот распоред и третирај го тој состанок како да е состанок со најважниот клиент на светот. Нема одлагање и презакажување на тој состанок. Полни се за да можеш да даваш. За сега толку. Повеќе на обуките или во следна ваква прилика J НЕКА Е ЗА УБАВО ЗА АРНО! Бидете УСПЕШНИ но не заборавајте дека треба и да сте СРЕЌНИ! Д-р Лазар Ѓуров универзитетски професор, обучувач и консултант. Претседател на Институтот СИМБИОТИКА Facebook: https://www.facebook.com/Institut.Simbiotika/ https://www.facebook.com/lazar.gjurov.blog/ Web: www.simbiotika.mk За Симбиотика Јас и мојата организација СИМБИОТИКА постоиме за ДА ГИ НАУЧИМЕ ИНДИВИДУИТЕ НА ВЕШТИНИ за подобра комуникација, за успешна трансформација на конфликтите во применливи решенија, за подобро менаџирање на своето време (читај својот живот), за развиње на својата емоционална интелигенција и уште многу способности и практично применливи техники со кои ЌЕ ГИ РЕШАВААТ СЕКОЈДНЕВНИТЕ ПРЕДИЗВИЦИ и ЌЕ РАСТАТ КАКО ЛУЃЕ во нешто што јас го нарекувам СУПЕР ЧОВЕК! Ние веруваме дека единствениот начин ДА ЖИВЕЕШ СРЕЌНО и ДА ПОСТИГНУВАШ УСПЕСИ е да сфатиш дека МОРАШ ДА СЕ РАЗВИВАШ. А развој значи СЕБЕОСПОСОБУВАЊЕ ЗА РЕШАВАЊЕ НА ЖИВОТНИТЕ ПРОБЛЕМИ, ПРЕДИЗВИЦИ И ПРЕЧКИ...дома, на работа, во зградата во која живееш, во општеството... себеоспособувањето ќе те донесе до УСПЕХ И СРЕЌА! Покрај со индивидуи работиме и со организации (компании, корпорации, граѓански организации, фондаци и сл.). Нив им помагаме да се СООЧАТ со ВНАТРЕШНИТЕ И НАДВОРЕШНИТЕ ПРЕДИЗВИЦИ. Некогаш брзиот раст, некогаш промената на условите на пазарот, некогаш зголемувањето на бројот на вработени, некогаш промената на технологијата, некогаш проблематичните членови на тимот, некогаш личните внатрешни предизвици ИМ СОЗДАВААТ МАКИ на манаџерите но и на вработените. Кој не водел фирма/органицација или не работел во тим не знае колку од тоа може да БОЛИ ГЛАВА ☺. Ние постоиме за да од надвор ЈА ВИДИМЕ РЕАЛНАТА СОСТОЈБА. Реално и дискректно ГИ СООЧИМЕ СО СОСТОЈБАТА и низ ЗАЕДНИЧКИ ПРОЦЕС креираме решенија (нова организациска структура, нови правила или измена на постоечките, нови процедури или дополна на постоечките, дефинирање на реална визија, мисија и клучни принципи и вредности...). СИМБИОТИКА им помага на компаниите да станат СИМБИОТИЧНИ ЗАЕДНИЦИ. Заедници во кои луѓето ЌЕ СЕ НАДОПОЛНУВААТ наместо да се сопнуваат, расправаат, меѓусебно се местат и ја трошат драгоцената енергија во напред-назад НЕКООРДИНИРАНО РАБОТЕЊЕ наместо сплотени во СИМБИОЗА да тргнат во ОСВОЈУВАЊЕ НА НОВИ ПАЗАРИ и постигнување ПОГОЛЕМИ УСПЕСИ. www.LoginSystems.biz/biznis-prikazna #МојатаРабота #БизнисСовет #БизнисПриказна #Стратегија #Менаџмент #ERP