Управата за јавни приходи објавува дека врз основа на Законот за придонеси од задолжително социјално осигурување, стапките по кои се пресметуваат и плаќаат придонесите од задолжително социјално осигурување почнувајќи со исплата на платата за месец Јануари 2023 се следните:

• Задолжително пензиско и инвалидско осигурување 18,8%

• Задолжително здравствено осигурување 7,5%

• Дополнителен придонес за здравствено осигурување

• за случај на повреда на работа и професионално заболување 0,5%

• Задолжителен придонес за осигурување во случај на невработеност 1,2%

Подолу во табелата се прикажани стапките за повеќе години наназад.

Даночно ослободување

Почнувајќи со исплатата на платата за месец Јануари 2023 година, ќе се применува даночно намалување во следниот износ:

• Даночното намалување при годишно пресметување на данокот на доход во износ од 105.456,00 денари.

• Даночното намалување при исплата на доход од работа по основна плата, надоместоци на плата и пензија, на месечно ниво во износ од 9.038,00 денари

Нова верзија на клиентски софтвер МПИН

За да може да се поднесе пресметката за плата за месец Јануари 2023 година, потребно е да се преземе најновата верзија на “МПИН“ клиентскиот софтвер (од 03.01.2023 година). Софтверот може да се преземе преку веб страницата на УЈП - линк http://www.ujp.gov.mk/mk/obrasci/opis/81 или од фајлот прикачен подолу.

Пресметката за плата МПИН се доставува преку е-пошта на адресата celaplata@ujp.gov.mk.

Извор на објавата: Управа за јавни приходи

Корисни линкови и пресметки

💡 За да се подготви МПИН за јануари 2023, потребно е да се симне најновата верзија на апликацијата од УЈП - линк.

💡 Преглед на придонеси и параметри/износи по месеци може да се видат на страницата Коефициенти за плата по месеци и години

💡 За пресметка на плати, може да се користи Веб калкулаторот за плата на https://www.loginsystems.biz/presmetaj-plata

#плата #УЈП #плати