Chart of Accounts

​

На сметката 790 - Разлика на приходите и расходите од вкупното работење, се евидентира разликата меѓу приходите и расходите од работењето на крајот на пресметковниот период. До колку вкупните приходи се во поголем износ од вкупните расходи, за износот на вишокот на приходи над расходи се задолжува сметката 790, а се одобрува во корист на сметката 800 - Добивка пред оданочување. Доколку вкупните приходи се во помал износ од вкупните расходи, за износот на вишокот на расходи над приходи се задолжува сметката 801 - Загуба пред оданочување, а се одобрува во корист на сметката 790 - Разлика на приходите и расходите.

​

На сметките од групата 80 - Добивка / загуба пред оданочување се евидентира разликата меѓу приходите и расходите од вкупното работење за пресметковниот период.

На сметката 800 - Добивка пред оданочување, се евидентира износот на вишокот на приходи над расходи до колку вкупните приходи се во поголем износ од вкупните расходи во пресметковниот период.

На сметката 801- Загуба пред оданочување, се евидентира износот на вишокот на расходи над приходи, до колку вкупните приходи се во помал износ од вкупните расходи во пресметковен период.

На сметките од групата 81 - Данок на добивка и други давачки, се евидентира данокот на добивка или другите даноци и давачки утврдени со даночните прописи

На сметката 810 - Данок на добивка се евидентира износ според називот на сметката.

На сметката 811- Одложени даночни приходи, се евидентираат износи според називот на сметката.

На сметката 812- Одложени даночни расходи, се евидентираат износи според називот на сметката.