Chart of Accounts

​

На сметката 461 - Загуби врз основа на расходување и загуба од продажба на биолошки средства, се евидентира неотпишаната вредност и дополнителните трошоци на отпишаните биолошки средства и загубата од продажба на овие средства.

На сметката 462 - Загуби врз основа на продажба на учество во капитал и хартии од вредност се евидентира загубата, ако учеството во капиталот и хартиите од вредност се продададат по пониска вредност од сметководствената вредност.

На сметката 463 -Загуба од продажба на материјали се евидентира загубата, ако материјалите се продадат по пониска вредност од сметководствената вредност.

На сметката 464 - Кусоци, кало, растур, расипување и кршење се евидентираат кусоците утврдени со попис, како и кало, растур, расипување и кршење при манипулирање со средствата до нормираните износи и над нормираните износи.

На сметката 465 - Расходи врз основ на ефекти од договорени заштити од ризици, кои не ги исполнуваат условите да се искажат во рамките на ревалоризационите резерви, се евидентираат расходите според називот на сметката.

На сметката 466 - Расходи врз основа на директен отпис на побарувања, се евидентираат расходите за отпис на побарувањата според називот на сметката.

На сметката 467 - Расходи за дополнително одобрени попусти, рабат, рекламации и дадени примероци, се евидентираат одобрените попусти по извршена продажба, расходи за рекламации за неквалитет, како и расходи заради дадени примероци за контрола, прегледи и слично.

На сметката 468 - Казни, пенали, надоместоци за штета и друго, се евидентираат трошоците според називот на сметката

На сметката 469 - Останати расходи од работењето, се евидентираат трошоци за спорови, расходи кои не се во функција на вршење на дејност, расходи од ефекти од промена на сметководствените политики и грешки кои не се материјално значајни и други расходи.