Chart of Accounts

На сметката 415 - Комунални услуги, се евидентираат трошоците за снабдување со вода и наводнување, за изнесување и собирање на смет и фекалии, за одржување на зеленило, за дератизација и дезинфекција, за одводнување и прочистување на отпадни и атмосферски води.

На сметката 416 - Трошоци за истражување и развој, се евидентираат трошоци за активности за стекнување нови знаења, трошоци за истражување алтернативи на материјали, уреди, добра, системи и трошоци на развој кои не се признаваат како нематеријално средство согласност со МСС 38 и оддел 18 на меѓународниот стандард за финансиско известување за мали и средни субјекти.

На сметката 417 - Трошоци за реклама, пропаганда, промоција и саеми, се евидентираат трошоците за услуги врз основа на рекламирање и пропаганда преку електронски и печатени медиуми во земјата и странство, услуги на рекламни агенции, трошоци за рекламен и пропаганден материјал, трошоци за уредување и изложување на саеми и други изложби на добра и услуги во земјата и странство и останати трошоци за реклама, пропаганда, промоција и саеми.

На сметката 419 - Останати услуги се евидентираат трошоците за сите услуги кои не се евидентирани на сметките од групата 41.

На сметките од групата 42 - Плата, надоместоци на плата и останати трошоци за вработени, се евидентираат платите и надоместите на платите.

На сметката 420 - Плата и надоместоци на плата - бруто (за производство), се евидентираат трошоците според називот на сметката.

На сметката 421 - Плата и надоместоци на плата - бруто (за администрација, управа и продажба), се евидентираат трошоците според називот на сметката.

На сметката 422- Останати трошоци за вработените, се евидентираат трошоците за вработените за отпремнина при заминување во пензија, еднократен надоместок во вид на испратнина, јубилејни награди, регрес за годишен одмор, помошти на вработените и слично.

На сметките од групата 43 - Трошоци за амортизација и резервирања, се евидентираат трошоците за амортизација на нематеријалните средства и на материјалните средства пресметани во согласност со сметководствената политика на друштвото и за резервирања кои се признаваат и вреднуваат во согласност со МСС 37 и МСС 19 и оддел 21 и 28 од меѓународниот стандард за финансиско известување за мали и средни субјекти и сметководствената политика.

На сметката 430 - Трошоци за амортизација (за производство), се евидентираат трошоците за амортизацијата кои се однесуваат на производството.