Chart of Accounts

На сметката 303 - Данок на додадена вредност и останати давачки (без право на одбивка), се евидентираат јавните давачки според називот на оваа сметка.

На сметката 304 - Останати давачки поврзани со набавката на залихите, се евидентираат останатите давачки поврзани со набавката на залихите на суровините и материјалите, резервните делови и ситниот инвентар, амбалажата и автогумите.

На сметката 309 - Пресметка на набавката, се евидентира набавната вредност на суровините и материјалите, резервните делови и ситниот инвентар, амбалажата и автогумите. Со одобрување на оваа сметка и задолжување на соодветните сметки од групите 31, 32 и 35 се евидентира пресметката на набавката на суровините и материјалите, резервните делови и ситниот инвентар, амбалажата и автогумите.

На сметките од групата 31- Залихи на суровини и материјали, се евидентира вредноста на залихите, вредносното усогласување на залихите на суровините и материјалите и отстапувањата од стандардните (планските) цени, според називите на сметките од оваа група. Признавањето и вреднувањето на залихите се врши во согласност со МСС 2 и други релевантни МСФИ и оддел 13 и други релевантни оддели на меѓународниот стандард за финансиско известување за мали и средни субјекти.

На сметката 310 - Суровини и материјали на залиха, се евидентираат залихите на суровините, на основниот и помошниот материјал, на горивата и мазивата, на канцеларискиот материјал, залихите на материјал врз основа на поврзано производство, залихите на материјалот за амбалажа, залихите на храна и пијалок и др. (во угостителството и хотелиерството), залихите на отпаден и расходуван материјал, залихите на земјоделски материјал и друго.

На сметката 311 - Суровини и материјали на пат, се евидентираат суровините и материјалите на пат.

На сметката 316 - Суровини и материјали во доработка, обработка и манипулација, се евидентираат суровините и материјалите според називот на сметката.

На сметката 318 - Вредносно усогласување на залихите на суровини и материјали, се евидентира разликата меѓу пониската нето продажна вредност и сметководствената вредност на залихите на суровини и материјали.

На сметката 319 - Отстапување од стандардните (плански) цени на суровините и материјалите, се евидентира отстапување од стандардните (плански) цени на суровините и материјалите.

На сметките од групата 32 - Залиха на резервни делови, се евидентираат набавените делови за вградување, по правило без обработка и доработка, во сопствени производи и за одржување, поправки и реконструкција, вредносното усогласување на залихите на резервните делови и отстапување од стандардните (планските) цени на резервните делови, според називите на сметките од оваа група. Признавањето и вреднувањето на залихите се врши во согласност со МСС 2 и други релевантни МСФИ и оддел 13 и други релевантни оддели на меѓународниот стандард за финансиско известување за мали и средни субјекти.