Chart of Accounts

На сметките од групата 90 - Основна главнина (запишан капитал), се евидентира основната главнина според називите на сметките од оваа група.

На сметката 900 - Основна главнина - запишан и уплатен капитал, се евидентира основната главнина која е запишана и уплатена согласно одредбите на Законот за трговските друштва.

На сметката 901 - Запишана, а неуплатена основна главнина, се евидентира износот на запишаните, а неуплатени акции односно удели утврден врз основа на договорот за основање на друштвото

На сметката 902 - Сопствени акции и удели, се евидентира износот на откупени сопствени акции или удели во согласност со Законот за трговските друштва или друг пропис, кој претставува одбитна ставка од основната главнина на друштвото.

На сметките од групата 91 - Премии на емитирани акции, се евидентираат премиите на емитирани акции според називите на сметките од оваа група.

На сметката 910 - Премии врз основа на продажба на обични акции, се евидентираат премиите на емитирани обични акции, како остварен вишок над номиналната вредност на обичните акции. Негативна премијата на емитираните акции односно долговно салдо на оваа сметка, на денот на известување се пренесува на сметката 950 - Акумулирана добивка или на сметката 960 - Пренесена загуба.

На сметката 911 - Премии врз основа на продажба на приоритетни акции се евидентираат премиите на емитирани приоритетни акции, како остварен вишок над номиналната вредност на приоритетни акции.

На сметката 912 - Премии врз основа на конверзија на приоритетни акции во обични акции, се евидентира остварената премија при конверзија на приоритетни акции во обични акции.

На сметките од групата 93 - Ревалоризациони резерви и разлики од вреднување на компоненти на останата сеопфатна добивка се евидентираат позитивните и негативните ефекти од промената на објективната (фер) вредност на средствата според називот на сметката.

На сметката 930 - Ревалоризациони резерви на нематеријални и материјални средства, се евидентира промената на нематеријални средства, недвижности, постројки и опрема.