Chart of Accounts

На сметката 744 - Приходи од продажба на нетековни средства кои се чуваат за продажба и прекинато работење се евидентираат остварените приходи според називот на сметката.

На сметката 745 - Приходи врз основа на употреба на сопствени добра (производи, стоки) и услуги, се евидентираат приходите врз основа на употреба на сопствени добра за изработка на објекти, постројки, алат, опрема и друго.

На сметката 746 - Приходи од специфично работење на неповрзани друштва се евидентираат приходите од извозници, од увоз за туѓа сметка, од комисиона и консигнациона продажба.

На сметката 747 -Приходи од наемнини, се опфаќаат приходи врз основа на наемнини.

На сметката 748 - Приходи од продажба на добра врз основа на финансиски наем (лизинг), се евидентираат приходите од финансиски наем (лизинг).

На сметката 749 -Останати приходи од продажба на неповрзани друштва, се евидентираат приходите од продажба кои не се евидентирани на другите сметки во рамки на групата 74.

На сметките од групата 75 - Приходи од вредносно усогласување на нетековни и тековни средства, се евидентираат остварените приходи од вредносно усогласување на нетековни и тековни средства според називите на сметките од оваа група.

На сметката 750 - Приходи од вредносно усогласување на нематеријални средства, се евидентираат приходите според називот на сметката.

На сметката 751 - Приходи од вредносно усогласување на материјални средства, се евидентираат приходите според називот на сметката.

На сметката 752 - Приходи од вредносно усогласување на вложувања во недвижности, се евидентираат приходите според називот на сметката.