Chart of Accounts

На сметката 650 - Вредност на стоките по пресметка на добавувачот, се евидентира набавната цена на стоките.

На сметката 651 - Зависни трошоци за набавка на стоки, се евидентираат транспортните трошоци, манипулативните и другите трошоци кои можат директно да се припишат на набавката на стоките.

На сметката 652 - Царини и други увозни давачки за стоките, се евидентираат царините и други увозни давачки за стоките.

На сметката 653 - Данок на додадена вредност, акцизи и други давачки за стоки, се евидентира данок на додадена вредност, акцизи и други давачки при набавка на стоките.

На сметката 659 - Пресметка на набавката, се пресметува и се пренесува вредноста на набавените стоки на сметките од групата 66.

На сметките од групата 66 - Стоки, се евидентираат залихите на стоки според називите на сметките од оваа група. Признавањето и вреднувањето на залихите на стоки се врши во согласност со МСС 2, други релевантни МСФИ и оддел 13 и други релевантни оддели на меѓународниот стандард за финансиско известување за мали и средни субјекти.

На сметката 660 - Стоки на залиха, се евидентира вредноста на залихата на стоки пред ставање на стоките во промет.

На сметката 661 - Стоки во туѓ склад, се евидентира вредноста на залихите на стоки кои се дадени за складирање во туѓ склад, силос, ладилник и друго, и кои се дадени за комисиона и консигнациона продажба.

На сметката 662 - Стоки на пат, се евидентира вредноста стоките кои се испорачани на купувачот до моментот додека купувачот не го потврди приемот на стоките.

На сметката 663 - Стоки во продавница, се евидентира вредноста на залихите на стоки кои се ставени во промет на мало.