Како-да: Креирање на бизнис сметка на PayPal за продажба на производи/услуги и прием на пари

Од страна на работна група предводена од Народната банка на Република Северна Македонија е подготвен работен текст на Закон за платежни услуги и платни системи кој е дистрибуиран до банките, стопанските комори и други асоцијации. Со овој закон се олеснува постапката за воведување на Пејпал и други процесори. Во членот 1 од овој закон стои:

„Со овој закон се уредуваат видовите на платежните услуги, давањето на платежните услуги, издавањето на електронски пари, основањето и работењето на платежните институции и на институциите за електронски пари, транспарентноста на условите и обврските за информирање во врска со платежните услуги, правата и обврските на давателите и корисниците на платежните услуги, отворањето и користењето на сметката со основни функции, преносливоста на платежната сметка, транспарентноста и споредливоста на надоместоците поврзани со платежните сметки и услуги, постапките за решавање на спорови настанати при давањето на платежни услуги, платните системи и конечноста на порамнувањата, надзорот над вршењето на платежните услуги, супервизијата на платежните институции и институциите за електронски пари, надзорот над операторот на платен систем, надгледувањето на платните системи, единствениот регистар на сметки, како и други прашања поврзани со платежните услуги.“