Chart of Accounts

На сметката 931 - Ревалоризациони резерви врз основа на преведување на странско работење, се евидентираат резервите од курсни разлики од преведувањето на странското работење.

На сметката 932 - Ревалоризациони резерви врз основа на финансиски средства расположиви за продажба, се евидентира нереализираната добивка/загуба врз основа на промена на објективната вредност на финансиските средства расположливи за продажба.

На сметката 933 - Добивки/загуби од заштита на паричниот тек до рекласификација, се евидентираат износите според називот на сметката.

На сметката 934 - Добивки/загуби од дефинирани планови за користи на вработените се евидентираат ревалоризационите резерви според називот на сметката

На сметката 935 - Останати ревалоризациони резерви кои не се евидентирани на останатите сметки од групата 93.

На сметките од групата 94 - Резерви, се опфаќаат резервите според називите на сметките од оваа група.

На сметката 940 - Законски резерви, се евидентираат задолжителните резерви кои се формираат во согласност со закон.

На сметката 941 - Статутарни резерви, се евидентираат резервите кои се формираат во согласност со статутот на друштвото, како што се резервите за одржување на финансиската стабилност на друштвото, за развојни активности и слично, резерви за преструктуирање, резерви за покривање на загуба.

На сметката 942 - Останати резерви, се евидентираат резервите за награди и други резерви за кои не постои посебна сметка во рамки на групата 94.

На сметките од групата 95 – Задржана акумулирана добивка и добивка за тековната година, се евидентира задржаната добивка од претходните години и нераспоредената добивка за тековната година.