Chart of Accounts

На сметката 664 - Вкалкулиран данок на додадена вредност, се евидентира пресметаниот ДДВ во вредноста на залихите на стоки во продавници.

На сметката 665 - Вкалкулирани акцизи, се евидентира пресметаната акциза во вредноста на залихите на стоки во продавници, доколку продажните цени се формираат со акциза.

На сметката 666 - Стоки во доработка, обработка и манипулација, се евидентираат стоките според називот на сметка на доработка и обработка.

На сметката 668 - Вредносно усогласување на залихата на стоките, се евидентира разликата меѓу пониската нето реализациона вредност и сметководствената вредност на залихите евидентирани на сметките од групата 66.

На сметката 669 - Разлика во цени на стоките, се евидентира разликата во цените на залихите на стоки евидентирани на сметките од групата 66.

На сметките од групата 67 – Нетековни средства кои се чуваат за продажба и прекинато работење, се евидентираат нематеријални средства, земјиште, градежни објекти и други недвижности, постројките, опремата и биолошките средства, вложување во недвижности и други нетековни средства кои се чуваат за продажба, или давателот на финансиски лизинг ги стекнал во постапката за принудна наплата, компензација и во други случаи, како и средствата чие работење е прекинато, а во согласност со МСФИ 5.

На сметката 670 - Нематеријални средства кои се чуваат за продажба, се евидентираат нематеријалните средства кои се набавени заради продажба, односно користените нематеријални средства за кои е донесена одлука за продажба.

На сметката 671 - Земјиште кое се чува за продажба, се опфаќа земјиштето кое е набавено заради продажба, односно користеното земјиште за кое е донесена одлука за продажба.

На сметката 672 - Градежни објекти кои се чуваат за продажба, се евидентираат градежните објекти кои се набавени заради продажба, односно користени градежните објекти за кои е донесена одлука за продажба.

На сметката 673 - Вложувања во недвижности кои се чуваат за продажба, се евидентираат вложувањата во недвижности кои се набавени заради продажба, односно за кои е донесена одлука за продажба.