Chart of Accounts

На сметката 283 - Долгорочни обврски спрема добавувачи од странство, се евидентираат обврските за набавка на производи, стоки и услуги спрема добавувачите во странство.

На сметката 284 -Долгорочни обврски за примени аванси, депозити и кауции во земјата и странство, се евидентираат обврските врз основа на примени долгорочни аванси, депозити и кауции од купувачи, како што се авансите за изградба на градежни објекти, за изградба на постројки, за испорака на залихи и друго.

На сметката 285 - Долгорочни обврски врз основа на заеми и кредити од поврзани друштва во земјата и странство се евидентираат обврските врз основа на примени заеми и кредити од матични, зависни и други поврзани друштва во земјата и странство и обврските за камата.

На сметката 286 - Долгорочни обврски врз основа на заеми и кредити во земјата и странство се евидентираат обврските врз основа на примени заеми и кредити, освен обврските на заеми и кредити од матични, зависни и други поврзани друштва. Во рамки на оваа сметка се евидентираат и долгорочните обврски за финансиски лизинг.

На сметката 287 - Долгорочни обврски врз основа на издадени хартии од вредност, се евидентираат обврските за издадени хартии од вредност со рок на доспевање над 1 година. Друштвото обезбедува аналитичка евиденција на издадените конвертибилни обврзници кои што на доверителите им даваат право да ги заменат за акции, во одреден период на определена опција или во кое било време за време на траењето на обврзниците.

На сметката 288 - Останати долгорочни обврски и останати финансиски долгорочни обврски, се евидентираат долгорочни обврски и останати финансиски долгорочни обврски кои не се евидентирани на другите сметки од групата 28.

На сметката 289 - Одложени даночни обврски, се евидентираат износите на данокот на добивка кои се плаќаат во идните периоди врз основа на оданочиви времени разлики во согласност со МСС 12 и оддел 29 на меѓународниот стандард за финансиско известување за мали и средни субјекти.

На сметките од групата 29 - Одложени плаќања на трошоци и приходи на идни периоди (пасивни временски разграничувања), се евидентираат пресметаните трошоци кои го товарат тековниот пресметковен период, а не се фактурирани, како и однапред наплатените или пресметаните приходи во тековниот период кои се однесуваат на наредниот пресметковен период.

На сметката 290 - Однапред пресметани трошоци, се евидентираат пресметани трошоци кои го товарат тековниот пресметковен период, а за кои не е примена фактура (телефон, греење, електрична енергија, плин, вода и слично), пресметана наемнина (оперативен наем), пресметани трошоци за реклама, пропаганда и саеми, пресметани трошоци за одржување на недвижностите, постројките и опрема, пресметани трошоци за премии за осигурување, пресметани трошоци за претплата на списанија, весници, стручна литература и слично, пресметани трошоци за банкарски услуги и други пресметани трошоци.

На сметката 291 - Пресметани трошоци за набавка на добра се евидентираат зависните трошоци на набавката на добра (превоз, осигурување и слично), за кои во моментот на книжење на набавката не се фактурирани. По добивање на фактурата за стварните трошоци за набавката се задолжува оваа сметка во корист на соодветната сметка за обврски.