Chart of Accounts

На сметките од групата 27 - Долгорочни резервирања, се евидентираат долгорочните резервирања за трошоци и ризици, кои се признаваат и вреднуваат во согласност со МСС 19, МСС 37 и други релевантни МСФИ и оддел 21 и 28 на меѓународниот стандард за финансиско известување за мали и средни субјекти. Неискористениот износ на резервирањето се укинува со одобрување на сметката од група 76 - Приходи од укинување на долгорочните резервирања .

На сметката 270 - Резервирања за трошоци во гарантен рок, се евидентираат резервирањата за трошоци кои ќе настанат во гарантниот рок за продадена опрема, извршени услуги и слично.

На сметката 271 - Резервирања за трошоци за обновување на природни богатства се евидентираат резервирањата за обновување на земјиште и за биолошка репродукција на шумите.

На сметката 272 - Резервирања за трошоци за преструктуирање, се евидентираат резервирањата според називот на сметката.

На сметката 273 - Резервирања за користи на вработените, се евидентираат резервирањата врз основа на бенефициите за вработените, како што се отпремнините при пензионирање, јубилејните награди и за други обврски спрема вработените, кои се исплаќаат во согласност со стекнатите права во текот и по престанокот на работниот однос.

На сметката 279 - Останати долгорочни резервирања, се евидентираат долгорочните резервирања за ризици и трошоци кои не се евидентирани на другите сметки од групата 27.

На сметките од групата 28 - Долгорочни обврски, се евидентираат обврските кои доспеваат во рок подолг од една година, од денот на настанувањето, односно по период на известување, според називите на сметките од оваа група. Долгорочните обврски се признаваат и се вреднуваат во согласност со МСС 39 и други релевантни МСФИ и оддели 11 и 12 и други релевантни оддели на меѓународниот стандард за финансиско известување за мали и средни субјекти.

На сметката 280 - Долгорочни обврски од поврзани друштва врз основа на набавка на добра и услуги во земјата и странство, се евидентираат обврските според називот на сметката. Во рамки на оваа сметка се евидентираат обврските за камата.

На сметката 281 – Долгорочни обврски од поврзани друштва за аванси, депозити и кауции во земјата и странство, се евидентираат обврските врз основа на примени долгорочни аванси, депозити и кауции од матични, зависни и други поврзани друштва.

На сметката 282 - Долгорочни обврски спрема добавувачи во земјата, се евидентираат обврските за набавка на производи, стоки и услуги спрема добавувачите во земјата.