Chart of Accounts

На сметката 674 - Останати нетековни средства кои се чуваат за продажба, се евидентираат останатите нетековни средства кои се набавени заради продажба, односно користени нетековни средства за кои е донесена одлука за продажба.

На сметката 675 - Биолошки средства кои се чуваат за продажба се евидентираат биолошките средства кои се набавени заради продажба, односно користените биолошки средства за кои е донесена одлука за продажба.

На сметката 676 - Средства чие работење е прекинато, се евидентираат средствата на организациониот дел на друштвото чие работење се прекинува. На аналитичките сметки во рамки на оваа сметка, средствата се евидентираат во согласност со потребите на друштвото со цел обезбедување контрола над тие средства.

На сметките 678- Вредносно усогласување на нетековните средства кои се чуваат за продажба и прекинатото работење, се евидентира разликата меѓу нето продажната вредност на тие средства и нивната сметководствена вредност.

​

На сметките од групата 70 - Расходи на продадени добра и услуги, се евидентира вредноста на продадените производи, стоки и услуги по цена на чинење или по трошоци на набавка.

На сметката 700 - Расходи врз основа на продадени добра (производи) и услуги, се евидентира вредноста на продадените производи и услуги по цена на чинење.

На сметката 701 - Набавна вредност на продадени добра (стоки), се евидентира вредноста на продадените стоки по трошоци на набавка.

На сметката 702 - Набавна вредност на продадени нетековни средства кои се чуваат за продажба и прекинато работење, се евидентира расходот според називот на сметката.

На сметката 703 - Набавна вредност на продадени материјали, резервни делови и отпадоци се евидентира расходот според називот на сметката.