Chart of Accounts

На сметката 233 - Обврски за данок на добивка, данок на вкупен приход и данок на приход платен на странско правно лице (задржан данок), се евидентираат обврските на друштвата утврдени во Законот за данокот на добивката.

На сметката 234 - Обврски за даноци и придонеси на плата и надоместоци на плата, се евидентираат обврските според називот на сметката.

На сметката 235 - Обврски за персонален данок на доход, се евидентираат обврските според називот на сметката.

На сметката 236 - Обврски за данок на имот, се евидентираат обврските според називот на сметката.

На сметката 237 – Обврски за данок на непризнати расходи и помалку искажани приходи, се евидентираат обврските според називот на сметката

На сметката 239 - Обврски за останати даноци, придонеси и други давачки, се евидентираат обврските за јавни давачки кои не се евидентирани на другите сметки во рамките на групата 23.

На сметките од групата 24 - Обврски спрема вработените, се евидентираат обврските спрема вработените по разни основи, според називите на сметките од оваа група.

На сметката 240 - Обврски за плата и надоместоци на плата, се евидентираат обврските според називот на сметката.

На сметката 241 - Обврски за надоместоци на трошоци на вработените, се евидентираат обврските за дневници и за надомест на трошоците при службени патувања, обврски спрема вработените за користење на приватен автомобил за службени цели, теренски додаток, одвоен живот и слично.

На сметката 242 - Останати обврски спрема вработените врз основа на колективни договори, се евидентираат обврските кон вработените утврдени со колективни договори како: обврските врз основа на отпремнини, јубилејни награди, регрес за годишен одмор, помош при болест, помош за штети од елементарни непогоди и друго.