Скопје, 06.06.2021. Денес Логин Системи објавува дека ја официјализира соработката со NAVAX Consulting GmbH, австриска фирма специјализирана за дополнителни AddOn решенија за Microsoft Dynamics NAV / 365 Business Central. Соработката ќе се фокусира на портфолиото NC Cube, интегрирани алатки за анализа и правење извештаи во Business Central и Microsoft Excel.
„Со NAVAX и NC Cube веќе имавме соработувано и овие решенија се користат во повеќе фирми кадешто ги одржуваме системите базирани на Dynamics NAV и Business Central“. изјави Венко Глигоров, управител на Логин Системи. „Со потпишувањето на договорот, оваа соработка оди во следно повисоко ниво како резултат на успехот во соработката“.
NC Cube е дополнување на Business Central со кое се овозможува да се поврзуваат табели и истите да се отвораат во Ексел за преглед и дополнителни обработки. Ова дополнување има опција и за вчитување на урнеци од Ексел со преподготвените графички прикази.
Податочниот лист за NC Cube може да се симне од линкот подолу ...
За NAVAX
NAVAX ги оптимизира вашите деловни процеси бидејќи се анализираат, подредуваат поефикасно и илустрираат во ИТ. Нашето знаење зависи од стручното знаење на повеќе од 190 вработени на 8 локации и од нашето долгогодишно искуство во спроведувањето на повеќе од 790 проекти на сите континенти. www.navax.com
За Логин Системи
Формирана во 1991, Логин Системи е македонска компанија за креирање и одржување на ЕРП деловни решенија (ERP solutions) базирани на индустрискиот стандард Microsoft Dynamics NAV / 365 Business Central.