- Jun 10, 2017
- 2 min read
Задолжителна МК локализација за Microsoft Dynamics NAV
Стандардниот модул за попис на производи во Microsoft Dynamics NAV е детален и прегледен. Сепак, Dynamics NAV бара пописот да се внесе и искнижи на денот кога е направен. Ова во суштина значи дека целата активност на фирмата поврзана со залиха треба да биде во мирување додека целосно не се направи и прокнижи пописот.
Во случаи кога не е можно целата операција да се изведе и да се искнижи во истиот ден, Логин Системи изготви подобрување на функционалноста на модулот за попис. Со подобрувањето е можно да се прави попис на одреден датум (еден или повеќе денови), а потоа книжењето и состојбата на залихите да се земат од датум кога навистина се одржал пописот наместо од денот на книжење.
На пример, ако фирмата прави попис (физичко броење) на 31.12.2015 и податоците од пописот ги внесува во Јануари наредната година, иако датумот во Дневникот за попис е од 31.12.2015, Dynamics NAV ги зема во предвид и трансакциите односно количините на артиклите и во Јануари.
Ваквата ситуација може да доведе до стопирање на книжењето на пописот или влегување во негативни залихи. Подобрувањето на Логин Системи ги решава овие случаи со тоа што количините на залихите ги зема од датумот на Дневникот на пописот. Види слика подолу ...
Илустрација за пописот на производи со локализацијата на Логин Системи
Дополнително, Логин Системи изработи надополнување кое овозможува Dynamics NAV да работи со малопродажни цени. Ако локацијата е означена како локација за работа со малопродажни артикли, надополнувањето на функционалноста за попис на ваквите малопродажни артикли овозможува да се прават потребните докнижувања за малопродажба согласно законските прописи во РМ.
Напомена: Функционалноста за работа со малопродажни цени според македонските прописи не е вклучена во Microsoft Dynamics NAV ниту е содржана во оваа задолжителна локализација за попис на производи.
Microsoft Dynamics NAV е систем кој е направен како платформа на која може да се надодава и прилагодуваат работи кои се бараат од корисникот. За потребите на македонските организации, Логин Системи има изработено и се во функција сет од од подесувања, подобрувања и нови опции кои се однесуваат на законските прописи, како и надополнувања за дополнителен конфор во работата и потребите на менаџерите.
Македонска локализација во Microsoft Dynamics NAV (изработена од Логин Системи)
Изведбата на македонската локализација е повеќеслојна и флексибилна. Со оваа локализација се обезбедува да се задоволат различните потреби на корисниците независно од нивната големина и за различните потреби. Локализацијата во Македонија е изведена во три слоја: (1) задолжителна локализација, (2) суштинска локализација со надополнувања, и (3) надополнувања по желба и потреба.
Microsoft Dynamics NAV 2017 е најкомплетниот интегриран систем што се нуди во Македонија. Тој е најпопуларниот ERP за мали и средни фирми во светот - 100.000 организации работат со NAV. Целосна листа на македонска локализација и надополнувања има тука.
Логин Системи е овластен провајдер на решенија и услуги базирани на Microsoft Dynamics NAV од 2002ра година до денес.
Comments