Скопје, 07.06.2017. Денес, Логин Системи објавува нови пакети на месечни претплати за софтверски решенија ERP за мали и средни претпријатија. Ова е прв пат да се понудат стандардизирани пакети за користење на Dynamics NAV во Македонија.
Целта на овие пакети е да ја поедностави постапката за набавка и изведба на ERP решенијата во прогресивните компании во Македонија. Поедноставувањето е направено преку стандардизирање на лиценците, изведбата (имплементацијата), македонската локализација и поддршката.
Главната новина и предност на овие пакети е начинот на набавка и плаќање преку месечна претплата. Наместо организациите да инвестираат однапред одредена сума на средства, тие можат да плаќаат на месечна основа по пат на рентање лиценците и услугите.
Споредба на два пакети за ERP
Основниот пакет за мали потреби е ERP решение идеално за мали фирми со основни потреби и максимално 10 вработени и имаат надворешно сметководство. Решението вклучува и CRM, а не вклучува хостирање на решението. Овој пакет чини 265 евра плус ДДВ месечно и важи за потпишан двегодишен договор.
Стандардниот пакет за средни потреби е ERP решение идеално за фирми и организации со средни потреби со максимално 15 - 30 вработени. Вклучува и CRM, а не вклучува хостирање на решението. Овој пакет чини 545 евра плус ДДВ месечно и важи за потпишан двегодишен договор.
Хостирањето на ERP решенијата е на избор на претплатникот и може да биде во Логин Системи, на сопствен сервер или на некој од виртуелните сервери на македонските провајдери.
"Со овие пакети очекуваме фирмите да се охрабрат да постават квалитетни ERP системи кои ќе го помогнат нивното работење за постигнување на подобри деловни резултати", изјави Венко Глигоров, главен проектант за ERP системи во Логин Системи. "Понудата им дава можност на фирмите да ги планираат своите трошоци на месечно ниво."
Повеќе информации за основниот пакет има на страната "Основен пакет ERP за мали потреби (месечна претплата)", а за стандардниот пакет има на "Стандарден пакет ERP за средни потреби (месечна претплата)".
###
Enterprise Resource Planning, скратено ERP, е категорија на деловно-менаџмент софтвер, најчесто во форма на пакет на повеќе интегрирани софтверски апликации, кој овозможува на организациите да прибираат, складираат, менаџираат и интерпретираат податоци од различни деловни активности какви што се продажбата и маркетингот, магацинското работење, набавките и испораките, кадровата евиденција, планирањето и анализата на производството како и сервисот.
Microsoft Dynamics NAV 2017 е најкомплетниот интегриран систем што се нуди во Македонија. Тој е најпопуларниот ERP за мали и средни фирми во светот - 100.000 организации работат со NAV.
Логин Системи е овластен провајдер на решенија и услуги базирани на Microsoft Dynamics NAV од 2002ра година до денес.
Comments